Xdreams - Desi Adult Community

There are many great features that are not available to guests at Xdreams, Login for limitless access, participate in daily challenges and earn money with us.

Romance Tumhaare Liye- Ek Prem Kahaani

OP
Mahi Maurya
Member

0

0%

Status

Offline

Posts

68

Likes

11

Rep

0

Bits

0

2

Years of Service

LEVEL 1
100 XP
UPDATE- 33


Sarita ke yaha se nikalkar Nishchal ghar na jakar paas bane ek park me chala gaya. Aaj mausam bahut suhana tha aur thandi thandi hawa chal rahi thi. Nishchal park ke andar jakar Patthar ki bani ek baithke par late gaya aur Us Vakt (Jis din Sarita ne ladkiyon ko bachha Singh ke Changul se Chhudaya tha Aur Nishchal Sarita Ko Thappad marne ke baad PS se Bahar aaya tha) ke ke bare me sochne laga jab usne Mohit aur Jawed ko milne ke liye bulaya tha.

********

Nischal- Main tum dono se do din se milne ki koshish kar raha hoon, lekin samay hi nahi mil pa raha tha tum dono se milne ka.

Mohit- Sir agar aap us baat se naraz hain aur saza dene ke liye ham dono ko bulaya hai to main aapko bata dena chahta hoon ki isme jawed ki koi galti nahi hai. maine Sarita madam ko sabkuchh bataya hai. agar aapko saza deni hai to aap mujhe dijiye. jawed ko nahi.

Nishchal- main tum dono ko saza dene ke liye nahi bulaya balki tum dono ko maine ek khas kam ke liye bulaya hai. ummeed hai ki is baar tum dono mujhe nirash nahi karoge.

Jawed- Yes Sir. Aap kam bataiye. ham aapke wada karte hain ki is baar koi bhi galti nahi hogi hamse.

Nishchal- tum dono ko to pata hi hai ki Sarita ne in dino sare gunde mawaliyon ka jeena haram kar diya hai. Unke kaam dhandhe ka bahut nuksan kiya hai usne. Khas kar bachha singh aur uske aadmiyo ka. jiske karan uski jaan par bahut bada khatra mandrane laga hai. kabhi bhi kisi bhi samay kuchh bhi ho sakta hai.

Mohit- Aap bilkul sahi kah rahe hain Sir. Apni madam bhi kisi mamle me Unse kam nahi hain. bahut khatarnak hain apni madam bhi, khatarnak hone ke sath sath madam jiddi bhi hain, hamne unhe investigation ke liye bahut mana kiya lekin unhone hamari baat nahi mani.

Nishchal- Jab wo meri baat nahi manti to tum logo ki baat kaise maanegi wo. Wo thodi jiddi hai aur apne man ka karti hai lekin wo bahut hi honhar aur dabang police Officer hai. aise logo ko hamare department ko bahut jaroorat hai. Isliye mujhe uski bahut chinta ho rahi hai.

main chahta hoon ki aaj se, balki abhi se tum dono us par najar rakhoge. wo jaha bhi jati hai tum dono saye ki tarah uske pichhe rahoge. PS, Ghar, Hospital ya Agar wo bachhchon ko kahin Rakhti hai, har jagah. tum logo ko agar kuchh bhi is dauran sandigdh lage to turant mujhe phone karna.

Jawed- Aapne sahi kaha Sir. Mujhe bhi aisa lag raha tha ki madam ki jaan ko khatra ho sakta hai. itna sabkuchh ho jane ke baad jaroor koi madam ko jaan se marne ki koshish karega.

Nishchal- Isiliye ye jimmedari main tum dono ko saup raha hoon. apne kaam me hamesha ki tarah mustaidi dikhana.

Mohit- Thik hai Sir. Ham log madam ke pichhe saye ki tarah lage rahenge aur aapko pal pal ki suchna denge.

Nischal- Mujhko tum logo se yahi ummeed hai. Aur dhyan rahe is baat ka pata Miss Joshi ko bilkul bhi nahi chalna chahiye ki tum dono uspar najar rakh rahe ho. Agar is baar tum dono se kuchh bhi gadbad hui to tum dono samajh sakte ho ki main kya karunga tum dono ke sath.

Mohit- Bahut ache se jaan aur samajh gaya hoon Sir. Ab ham chalte hain. aapko samay samay par phone karte rahenge.


Itna kahkar Dono Waha se chale jate hain Aur Nishchal bhi apne kaam ke silsile me daure par chala jata hai. Do din baad Sham ko lagbhag 10.15 baje Nishchal ke paas Jawed ki call aati hai. phone uthakar Nishchal ne baat ki.


Nishchal- Haan jawed. Koi khabar.

Jawed- Sir, madam ke ghar ke bahar 1-2 log dikh rahe hain Sir.

Nishchal- To isme nayi baat kya hai Jawed. koi rahgeer honge. aane jane wale honge.

Jawed- Nahi Sir. Ye log bhaut der se yahi par khade huwe hai. aur baar baar madam ke ghar ki taraf hi dekh rahe hain.

Nishchal- Kya Sarita ghar par hai is Vakt.

Jawed- Nahi Sir. Dekh kar to lag nahi raha hai ki wo abhi nahi aayi hain, Kyonki maine unhe jate huwe nahi dekha aur abhi tak unke kamre ki light bhi band hai.

Nishchal- thik hai jawed. main pahuch raha hoon waha.

Jawed- Sir Ek baat aur. ye log aapas me kuchh baat kar rahe the, jisme se ek ne kaha ko wo pichhle 2 din se ghar nahi aayi hai, lekin shayad aaj aaye. aur aaj hi uska kaam tamaam karna hai.


Nishchal sochane lagta hai ki Sarita wakai me 2 din se ghar nahi gayi hai. ek din to wo hospital me so gayi thi aur doosre din didi ke sath NGO me thi. to ho sakta hai ki aaj wo ghar jaroor aaye. mujhe use kisi bhi tarah ghar nahi jane dena hai. agar wo ghar gayi to nischit hi aaj uski jaan chali jayegi. mujhe kuchh karna hoga. main Miss joshi ko phone karke ghar jane se rokta hoon.


Itna sochkar Nishchal ne Sarita ko phone kiya lekin phone not recheable aa raha tha. do-tin baar koshish karne ke baad jab phone connect nahi huwa to Nishchal ne Jawed se baat ki.


Nishchal- Jawed tum vahi ruko. main abhi pahuch raha hoon waha. wo Sarita ko nuksan pahuchane ke liye hi waha par aaye hain. Tum najar rakho unpar.

Jawed- Yes Sir. main inpar najar rakhunga.


Itna kahkar Nishchal ne phone rakh diya aur Sarita ke Quarter ki taraf Chal pada. Waha pahuch kar usne apni gadi jawed ko dete huwe kaha.


Nishchal- Kaha hain wo log.

Jawed- Sir wo log abhi kuchh der pahle hi yaha se chale gaye hain. Sarita madam bhi chand minute pahle hi aayi hain.

Nishchal- Achha tum ab jao aur mere phone ki pratiksha karna. jab main phone karunga to tum aur Mohit aa jana.

Jawed- Agar aap kahe to main bhi aapke sath chalu.

Nishchal- Nahi Jawed. Abhi filhal jaroorat nahi hai tumhari. tum bas chaukanne rahna aur mere phone ka intezar karna.


Nishchal ki baat sunkar Jawed waha se Nishchal ki gadi lekar chala jata hai. Nishchal ne Sarita ke phone par call kiya to wo busy aa raha tha. kai baar try karne par bhi jab phone busy raha to Nishchal ke paas ghar ke andar jane ke siway aur koi marg nahi bacha. Jab wah Boundry koodkar ghar ke andar dakhil huwe to use do parchhaiya. kamre me jati hui dikhayi di. Nishchal ne furti dikhate huwe Light off ki aur Sarita ke paas pahuch gaya.
********


tabhi bahar kisi gadi ke horn ki aawaz se Nischal apni soch se bahar aaya. Us samay Raat ke 2 baj rahe the. uska ghar jane ka mod nahi huwa to usne socha ki wo park me hi so jata hai, lekin waha jheengur aur anya kide makaudo ki aawaz uski neend disturb kar rahi thi. isliye kuchh der baad wo uthkar apne doosre wale ghar chala gaya jaha par usne dadi ko rakha tha.


Subah Sarita ki neend khulti hai subah ke 8 baj rahe the. wo jaldi se naha dhokar taiyar hokar pooja path karke NGO ke liye nikal gayi. Jab wo NGO pahuchi to sabhi use dekhkar bahut khush huwe. Usne sabhi ke liye choklate liya tha. usne sabhi ko choklate dekar munh meetha karwaya.


Tabhi Sarita ki najar Dadi ke upar padi to wo unhe waha dekhkar khush bhi hui aur chakit bhi ho gayi. Sarita ne dadi se poocha.


Sarita- Aree dadi aap kab aayi. main Sir se aapke bare me baat karne hi wali thi.

Dadi- Aaj subah hi Police bahu mujhe yaha par lekar aaye aur mujhe meri beti se milwaya. police babu bahut hi aachhe hain beti.

Sarita- (bhunbhunate huwe) Haan wo to pata hai ki wo kitne ache insane hain. poori mehnat maine ki aur Dadi ko Gudiya se milwane ke creadit khud le liya. matalabi insane.

Dadi- Lekin Police babu ne ye bhi bataya ki Meri bachhi ko tumne Bachha singh se Bachaya. Gudiya ne bhi mujhe tumhare bara me bataya ki kaise tumne uska khyal rakha


Ye baat sunkar Sarita bahut khush ho gayi. use apni pichhli kahi gayi bato ka afsos hone laga, ki nahak hi usne Nishchal ko bhala bura kaha. Tabhi Waha par Akkku daudati hui aayi aur Sarita se kaha.


AKku- Are didi. aap sabko choklate kyon bant rahi hain. Mujhe choklate bahut achhi lagti hai. aap sari choklate mujhe de dijiye. main sabse chhoti hoon na. main kisi ko bhi choklate nahi doongi .

Sarita- (hanste huwe) lekin ye to galat baat hai Akku. Achhe bache to sari chije apne dosto aur sakhiyo se mil bant kar khate hain. main to samajhti thi ki tum bahut achchii bacchii ho, lekin tum to sari choklate akele hi khana chahti ho. iska matlab tum achhi bachhi nahi ho.

Akku- Nahi main bahut achhi bachhhi hoon didi. mujhe ghar me sab bolte hain ki Akku bahut achhi bachhi hai.

Sarita- tab to tumhe choklate sabke sath bantkar khana chahiye phir.

Akku- Haan didi main sab ko choklate dungi. aap mujhe poori choklate de dijiye.


Abhi Akku aur Sarita baat kar hi rahe the ki Waha par Gudiya aa jati hai. Gudiya ne Akku se kaha.


Gudiya- Akku tumne didi ko birthday wish kiya ya nahi.

Akku- Kya aaj didi ka birthday hai. lekin di to cack layi hi nahi hain. ye to chhoklate layi hain.

Sarita- Haan main cack lana bhool gayi akku.

Akku- Lekin birthday par sabhi cack kat-te hain fir apna birthday manate hain. to aap kyon nahi lekar aayi cack.

Sarita- Chalo mere sath abhi cack kat-te hain fir.


Sarita ki baat sunkar Akku uske sath chal padi. Sarita Akku ka utawalapan dekhkar bahut khush ho rahi thi. Sarita ne kal hi soch liya tha ki is baar wo ghar nahi ja rahi hai to apna birthday NGO me hi in bachho ke sath hi manayegi. SArita ne NGO ke ek karmchari ko bekary bhejkar cack mangwaya. Sarita ne Us Bekery ka address bhi us aadmi ko de diya. jaha par usne kal hi cack ka order de diya tha.


thodi hi der me wo karmchari cack lekar aa gaya aur bahar ek table lagakar cack us par rakh diya. sabhi bachhe Sarita ko gherkar khade ho gaye. Sarita se jyada khush to Akku thi. Cack dekhte hi uske munh me pani aa gaya. Usne khushi se uchhalte huwe Sarita se kaha.


Akku- Chaliye didi. jaldi se cack katiye. mere munh me pani aa raha hai.

Sarita- Main nahi Akku. Cack tum katogi.

Akku- Nahi didi. Mummy kahti hain ki jiska birthday hota hai cack wahi kat-ta hai. to birthday aapka hai to cack bhi aap hi katogi na.

Sarita- Chalo thik hai dono log milkar cack kat-te hain.


Fir Sarita ne Akku ke hath me chhuri pakda di aur uska hanth pakadkar cack katne lagi. cack katne ke baad bachho ne Sarita ko birthday wish kiya. Sarita ne sabhi ko cack khilaya aur Sham ko wapas aane ka bolkar PS ke liye nikal gayi.


Sarita ne PS me kisi ko nahi bataya tha ki Aaj uska janamdin hai to kisi ko pata nahi tha is bare me. SArita ne PS pahuch kar roj ke jaise kaam karne baith gayi. Kuchh der baad Rawat Sir ne Sarita ko kaam ke silsile me Sarita ko apne cabin me bulaya. Sarita Rawat sir ke cabin me chali gayi.


Jaise hi Sarita Rawat sir ke cabin me gayi. usi Wakt Nischal PS me aata hai Aur Sidha Sarita ke cabin me chala jata hai, lekin SArita apne cabin me nahi thi to Nishchal intezar karne lagta hai Sarita ko. Sarita Rawat Sir ke paas thi aur Uska mobile uske cabin me hi rakha tha. kuchh der intezar karne ke baad Jab Sarita nahi aati to Nischal Uske cabin se nikalne ki sochta hai.


usi Wakt Sarita ka mobile bajne lagta hai. Nishchal ne Screen par dekha to Jaanu naam show kar raha tha. Nishchal ne socha ki ye shayad Sarita ka Boyfrnd hoga. kuchh der bajne ke baad phone band ho gaya. kuchh pal me fir se dobara call aayi aur kuchh der bajne ke baad band ho gayi. kuchh pal baad tisri baar jab call aayi to Nishchal jhunjhla gaya aur man me hi bola.


Nishchal- (Man me) Kistna Chipku hai ye SArita ka Boyfrnd. Isko samajh me nahi aata ki agar Sarita phone nahi utha rahi hai to busy hogi, kuchh der baad karu, lekin nahi, sabar hi nahi ho raha hai isase to. phone par phone kiye pada hai. Sahi bhi hai. Kisko sabar hoga Sarita jaisi ladki agar uski Girlfrnd ho. Sundar, bahadur aur apne kam ke prati wafadar. dekhu to aakhir kiska naseeb itna jordar hai jise Sarita jaisi girlfrnd mili.


Yahi sochkar Sarita ka phone Nishchal ne utha liya. lekin tab tak call cut ho gaya tha. kuchh pal baad fir se phone bajne laga to nishchal ne phone receive kar liya aur jaise hi apne kan me lagaya. ek dandanati hui madhur aur tez aawaz uske kano se takrai. ye Manisha ki aawaz thi.


Manisha- Hello didiya. kaha ho tum. kab se tumko phone kar kar ke pareshan ho rahe hain aur ek tum ho jo phone hi nahi utha rahi ho. ham log station ke bahar khade hain. koi ricsha aur auto wala nahi mil raha hai. tumhare quarter tak kaise aaun.

Hello didiya. mujhe pata hai tum gussa karogi ki maine tumhe aane ki khabar kyon nahi ki, lekin ham tumhe surprise dena chahte the. isliye agar bata dete to wo surprise kaise rahta fir. helloo didiya. sun rahi ho na. are kuchh boli bhi didiya.

Nishchal- (apne man me) Are yaar ye to apni bahan se bhi chaar kadam aage hain. phone uthane ki deri me hi isne itna kuchh suna diya. baap re. badi sher hai to chhoti sawa sher hai. dono bahano se to bach kar rahna padega. (manisha se) Hello.

Manisha- Aap kaun hain aur meri didiya Sarita Joshi kahan par hain.

Nishchal- Wo to Sir ke sath meeting me baithi hui hain.

Manisha- Achha, fir aap kaun hain aur meri didiya ka phone aapke paas kya kar raha hai.

Nishchal- Main bhi unke sath hi kaam karta hoon. unhone hi mujhe phone sambhal kar rakhne ke liye diya hai.


Nishchal ne Manisha se jhooth bol diya, lekin use nahi pata tha ki uska ye jhooth use bhari padne wala hai. Nishchal ki baat sunkar Manisha ne kaha.


Manisha- Achha. to aap meri didiya se niche post par kaam karte hain. I think ki aap didiya ke driver hain. tabhi didiya ne apna phone aapko diya hai. to driver jao aur meri didiya ko bolo ki uski janu ka phone hai.


Nishchal -(chakit hote huwe man me) Lo bahut smart bante firte the na. lo driver ban gaye ab. aur jhoth bolo. sidhe nahi bata sakte the ki uske boss ho. nahi. masti chadhi thi na to ab driver banker bhugto. (manisha se) Ji jaroor. abhi kuchh der baad jab meeting khatam ho jayegi to main unhe bol dunga.

Manisha- Tab tak ham yaha baithkar makkhi marein kyaa. Aap abhi andar jaiye aur meri didiya ko boliye ki uski bahan aur uske mummy papa uska station ke bahar intezar kar rahe hain.

Nishchal- Lekin abhi to meeting…………

Manisha- (bich me hi) Ab jyada juban na ladao mujhse. nahi to didiya ko bolkar tumko naukari se nikalwa doongi. Samjhe ya nahi samjhe. ab chupchap jao aur didiya ko mera sandesha do.

Nishchal- (man me) Are baap re. Kya ladki hai yaar. sidhe dhamki par utar aayi. Bade miya to bade miya. chhote miya subhan allah. (Manisha se) madam ko to abhi samay lagega. rukiya main aata hoon aap sab ko lene ke liye.

Manisha- Haan ye hui na baat. ab aaye line par. jaldi se aana. jyada der nahi lagana nahi to didiya..

Nishchal- (bich me) Haan mujhe pata hai ki aap apni didiya se bolkar mujhe naukari se nikalwa dengi. rukiye main jaldi hi aa raha hoon.


Itna kahkar Nischal ne phone rakh diya. Uske chehre par muskan aa gayi. Usne apne dimag me kuchh naya plan kiya aur Sarita ke cabin se bahar nikal gaya.
 
Mahi Maurya's SIGNATURE
OP
Mahi Maurya
Member

0

0%

Status

Offline

Posts

68

Likes

11

Rep

0

Bits

0

2

Years of Service

LEVEL 1
100 XP
UPDATE- 34


Nischal Manisha se baat kar ke use station par intezar karne ke liye bol deta hai aur Sarita ke mobile screen par kuchh der dekhne ke baad mobile cut kar cabin se bahar nikal jata hai. Jaise hi Nishchal Sarita ke cabin se bahar nikal kar bahar ki taraf jata hai thik usi wakt Sarita Rawat Sir ke cabin se bahar nikal kar aati hai. Usne Nischal ko apne cabin se nikalte huwe dekha aur man me sochne lagi.


Sarita- (man me) Ye hitlar mere cabin me kya kar raha tha. Janhavi se poochkar dekhti hoon.


Yahi sochkar wo Janhavi ke paas jati hai jo apne kam me busy thi. Sarita ko dekhte hi wo apni chair se khadi ho jati hai. Sarita ne use baithne ka ishara karte huwe poochha.


Sarita- Sir Mere cabin me kya kar rahe the Janhavi.

Janhavi- Pata nahi madam, shayad apka intezar kar rahe the. abhi wo Mohit Sir ke sath kahi par nikal gaye.

Sarita- Achha Thik hai fir.

Janhavi- waise aapko kuchh kaam tha kya Sir se.

Sarita- Nahi to, aisi koi baat nahi hai. maine to bas unhe apne cabin se nikalte huwe dekha, isliye tumse poocha maine.


Itna kahkar Sarita apne cabin me chali jati hai. udhar Mohit ko lekar Nishchal PS se bahar aata hai aur use kuchh jaroori disha nidesh dete huwe kahi bhej deta hai aur khud gadi lekar Station chala jata hai Manisha aur uske mummy papa ko lene ke liye.


lagbhag 20-25 minute me hi wo Station par pahuch jata hai aur Manisha ko phone karta hai. manisha ne phone uthaya aur kaha.


Manisha- Hello.

Nishchal- Ji main Station par aa gaya hoon Aap log kaha par hain.

Manisha- Achha Driver bol rahe ho tum. main station ke bahar main gate se aa rahi hoon. tum waha par aa jao.

Nishchal- (man me) Are yaar is ladki ne to mujhe sach me driver bana diya hai.


Manisha ki baat sunkar Nishchal Main gate par pahuch jata hai aur apne sir par cap lagakar Manisha ka intezar karne lagta hai. thodi der baad manisha aur uske mummy papa uski gadi ke paas aaye. Nishchal ne aage badhkar Aanand jj aur Raani ji ke pair chuwe to unhone Nishchal ko jeete raho beta bolkar aashirwad diya.


Saman gadi me rakhne ke baad Nishchal driving sheet par baith gaya. Manisha bhi aa kar uske aage wali sheet par baith gayi. Aanand ji aur Rani ji ke baithne ke baad Nishchal ne apni cap utari aur gadi start karke aage badha di.


Nishchal ke cap utarne ke baad Manisha use gaur se dekhne lagi aur pahchan-ne ki koshish karne lagi. Aur Nishchal se boli.


Manisha- Mujhe aisa kyon Lag raha hai ki maine aapko kahin dekhaa hai.


Manisha ki baat sunkar Nishchal man hi man sochane laga ki isne jaroor mujhe Sarita se baazar me thappad khate hue dekhaa hoga. Kahin ise ye baat yaad na aa jaye aur jaise ye hai usase to lagta hai ki ye kisi ke samne ye baat bol bhi degi, isliye Nishchal ne jhooth bolte huwe kaha.


Nishchal- Ji nahin ham pahli baar mil rahe hain..


Niahchal ki baat sunkar Manisha apne gaal par apni ungli rakhkar sochne lagi. thodi der baad wo Nishchal ko pahchan gayi. Usne Nishchal se kaha.


Manisha- Are tum to wahi ho na Jisko meri didiya ne thappad mara tha market mein.


Uski baat sunkar Nishchal ne apna sir pit liya. Jisase wo bachne ki koshish kar raha tha. Usi baat ko manisha ne bol diya. usne socha ki abhi itni beijjati kya kam thi jo apne mummy papa ke samne aur beijjati kar rahi hain. Manisha ki baat sunkar Aanand ji ne kaha.


Aanand- Ye kya bol rahi ho manisha. Aaise kisi ko apmanit nahi kiya jata beti. chalo mafi mango inse.

Nishchal- Nahi uncle. uski jaroorat nahi hai. main wahi hoon. jise tumhari didiya ne thappad mara tha.

Manisha- Mujhe pata tha ki didiya ko apni galti ka pachhtava jaroor hoga. maine bhi diidiya ko kaha tha ki unhone aapko thappad marker galat kiya. usme aapki galti nahi thi. lekin didiya ko baad me aakhir realize ho hi gaya. Isiliye didiya ne apni galti realize hote hi aapko naukari par rakh liya aur apna driver bana liya.


Nishchal- (man me) Had hai yaar. Miss joshi ne to aaj tak sorry ka ek shabd nahi bola aur ye apni bahan ka bakhan kiye ja rahi hai. ye ladki to apni bahan se jyada tez hai. Miss joshi ne to nahi lekin isne mujhe apna driver jaroor bana liya hai.


Nishchal- Haan aapne sahi kaha. aise hi huwa tha.

Manisha- Dekha main na kahti thi. Meri didiya duniya ki best didiya hai. I Am proud of You Didiya.


Isi tarah Manisha Sare Raste bak bak karti rahi. Nishchal ne gadi apne ghar par ja kar roki aur Phone karke Savita ko bahar aane ke liye kaha. thodi der baad Savita ghar se bahar aayi. Nishchal ne Savita ko un logo se thoda door lejakar usase kaha.


Nischal- Di . ye Sarita ke mummy papa aur Uski bahan hain. aap inhe andar le jaiye. main ja raha hoon. baad me aaunga. Aaj Sarita ka janamdin hai. ye log Uska janamdin Celebrate karne ke liye aaye hain. inhe abhi mere bare me kuchh mat batana.

Savi- Kya sach me aaj Sarita ka janamdin hai. Lekin usne to mujhe kuchh nahi bataya. aur ye log tujhe kaha mil gaye.


Savita ke poochne par Nishchal ne use Sabkuchh bata diya. Jise sun-ne ke baad Savita ki hansi nikal gayi. Savita ne hanste huwe kaha.


Savi- Nishu. tu to Sarita ko lady don bolta hai na. Lekin Uski bahan to Usase bhi jyada khatarnak hai. isne to tumhe Sarita ka driver bana diya. tu ise kya bolega.

Nishchal- Main ja raha hoon. baad me aata hoon main.


Nishchal ne Savita ki baato ko darkinar karte huwe jane ko bolkar gadi wapas lekar chala gaya. Nischal ke jane ke baad Savita ne jakar Sarita ke mummy papa ke pair chhukar aashirwad liya aur Unse kaha.


Savita- Aaiye Uncle, Aunty andar chaliye.

Manisha- Aap kaun hai. meri didiya to yaha par nahi rahti to driver ne hamko yaha par kyon chhoda.

Savi- Main Savita. Sarita ki dost. AB sari baate yahi karni hai ya ghar ke andar chalein.


Itna kahkar Savita ne Naukar ko bulakar unka saman andar rakhne ke liye bol diya aur sabko liwakar ghar ke andar chali gayi. ghar ke andar jane ke baad Sarita ne Unhe hall me baithakar naukar ko pani lane ka bolkar ek kone me jakar Sarita ko phone kiya. Sarita us samay Apne cabin me baithkar kaam kar rahi thi. Phone Receive karne ke baad Sarita ne kaha.


Sarita- Hello di. kaisi hain aap.

Savi- Main to thik hoon Sarita. lekin Mujhe tumse aisi ummeed nahi thi.

Sarita- Kya Huwa di. sab thik to hai na. maine kya kiya di. jo aap mujhse aise baat kar rahi hain.

Savi- to aur kaise baat karun main tumse. Itni badi baat ho gayi aur tumne mujhe batana bhi jaroori nahi samjha. main itni parayi ho gai hoon tumhare liye.

Sarita- (tension me aakar) Aakhir baat kya hai di. Aap aise kyon bol rahi hain. Jo bhi baat hai Saf saf bataiye na.

Savi- Aaj tumhara janamdin hai na. tumne ye baat mujhe batana jaroori nahi samjha. Mujhe doosro se pata chal raha hai ki aaj tumhara janamdin hai.

Sarita- (muskurate huwe) Kya di itni chhoti si baat ke liye aapne mujhe dara hi diya tha. Mujhe galti ho gayi di. mujhe tanik bhi yaad nahi raha aapko batana.

Savi- wo to mujhe Nishu ne bataya nahi to mujhe pata hi nahi chalta ki aaj tumhara janamdin hai. Nishu bata raha tha ki aaj subah tum NGO bhi gayi thi aur waha apna janamdin bhi manaya.

Sarita- Haan di. wo is baar main ghar se door hoon, aur yaha par mera koi hai nahi to maine socha ki is baar bachho ke sath hi apna janamdin mana loon.

Savi- Ye kya bol rahi ho tum. ek thappad padega to akal thikane aa jayegi tumhari. Kya main kuch nahi hoon tumhari. Kya tum bas munh se hi mujhe di kahti ho. dil se mujhe apni di nahi manti. Kya main tumhare liye parayi hoon jo tum bol rahi ho ki tumhara yaha koi nahi hai.

Sarita- Are nahi di. mere kahne ka wo matlab naahi tha.

Savi- To aur kya matlab tha tumhare kahne ka. tum yahi to kahna chahti ho ki main kuchh bhi nahi hoon tumhare liye.

Sarita- Nahi di. aap mujhe galat samajh rahi hain. Is anjane shahar mein ek aap hi to hain. jinse meri mulakat hui hain aur maine socha bhi nahi tha ki itne kam samay me aap mere liye itni khas ban jayengi. aaj mera janamdin hai aur aap mujhe thappad marne ke liye bol rahi hain.

Savi- Aur nahi to kya. Ye thappad hi meri taraf se tumhare liye janamdin ka tohfa hoga.

Sarita- Aap jo bhi tohfa dengi wo mujhe dil se kubul hoga di.

Savi- Tumhe tohfa aur bomb dono milega tumhare janamdin par Sarita.

Sarita- Sach me di. sorry di. aapko na bata pane ke liye.

Savi- Ab maffi to tumhe tabhi milegi, jab tum ghar aaogi warna bhol jao ki main tumhe maff karungi.

Sarita- Ye kya baat hui di. aapne to mujhe musibat me daal diya hai. main aaj nahi aa paungi di. main kal aati hoon aapke paas.

Savi- Aaj matlab Aaj. agar aaj nahi aayi to fir kabhi mat aana mere paas.

Sarita- Are di. maine to NGO jane ka plan banaya tha. bachho ke sath apna janamdin manane ke liye.

Savi- Mujhe kuchh nahi sun-na. tum waha subah to gayi thi na. to sham ko jane ki kya jaroorat hai.

Sarita- wo to thik hai di. lekin maine unko bola tha ki main sham ko unse milne jaroor aaungi

Savi- Achha. to apna waha jane ka plaan cancle karo . kyonki aaj sham ko tum mere ghar par aa rahi ho. iske aage mujhe tumhari ha ya na nahi sun-ni hai. main tumhe batane ke liye phone nahi kiya hai , aane ke liye phone kiya hai. to tum sham ko aa rahi ho matlab aa rahi ho. tumhare liye ek surprise hai.

Sarita- Sach me di. Kya surprise hai di. batao na.

Savi- Surprize hai bhai. Agar abhi bata diya to wo surprise kaise rahega phir. wo to tumhe tabhi pata chalega jab tum sham ko ghar aaogi. achha ab main rakh rahi hoon. sham ko tumhara intezar karungi.


Itna kahkar Savita ne phone rakh diya aur Sabke sath aakar baith gayi aur baate karne lagi. idhar phone rakhne ke baad Sarita man hi man sochne lagi.


Sarita- (man me) Kya yaar. ye di ne to mujhe fansa hi diya. ab to mujhe jana hi padega di ke yaha. nahi to wo mujhse naraz ho jayengi.


Sarita PS me baithi sham tak kaam me busy rahti hai. sara kam niptakar wo PS se nikal jati hai aur apne kamre par jane ka sochti hai. fir pata nahi kuchh sochkar Savita ke ghar ki taraf nikal jati hai. jaise hi wo ghar ke andar dakhil hone lagti hai to gate keeper Sarita ko rok deta hai.


Gate keeper- Are kaha ghusi ja rahi ho.

Sarita- Are kaka main Hoon Sarita. aapne mujhe pahchana nahhi kyaa. mujhe Savita di ne bulaya hai

Gate keeper- Aap abhi rukiye. pahale main Savita bitiya se pooch leta hoon. uske baad aap andar jaiyega.

Sarita- Thik hai Kaka. aap di se baat kar lijiye. tab tak main yahi intezar kar rahi hoon.


Sarita ki baat sunkar gate keeper ne Savita ke paas phone lagaya aur use Sarita ke bare me bata diya. Savita ne 5 Minute baad Sarita ko bhejne ke liye kaha. phone rakhne ke baad gate keeper ne Sarita se kaha.


Gate keeper- Savita bitiya ne aapko 5 minute baad andar aane ke liye kaha hai,

Sarita- (man me) Ye kya ho gaya hai aaj sabko. ye mujhe jane nahi de rahe hain aur di mujhe 5 minute baad andar bula rahi hain, lagta hai di mujhe naraz hain jo maine unhe apne janamdin ke bare me nahi bataya. mujhe sabse pahle di ki narazgi door karni hogi.


5 Minute baad gate keeper ne Sarita ko andar bhej diya. Sarita jab ghar ke andar jati hai to poore ghar me andhera tha. Sarita Lobby se hi Savita ko aawaz deti hai.


Sarita- Savita di. kaha hain aap. di kuchh to boliye di. aap aise to naraz mat hoiye mujhse.


Tabhi Ghar ki light on hoti hai aur Sabhi ek sath chillate huwe bolte hain.


Sabhi- Baar Baar din ye aaye. baar baar dil ye gaye. tum jiyo hazaron sal ye meri hai aarju. happy baithday to you. happy baithday to you. happy baithday dear Sarita. happy birthday to you.


Sarita ki aankhe Aashcharya se fati ki fati rah gayi jab usne samne Aanand ji, Rani ji aur Manisha ko dekha to. unke sath Raghav aur Savita bhi khadi thi. Sarita ko to pata bhi nahi tha ki Uske mummy papa aur Manisha uska janamdin Celebrate karne ke liye aa rahe hain aur wo Savita ke yahan par use milenge.


Apne mummy papa aur Manisha ko dekhkar Sarita ki aankho me aanshu aa gaye. Itne din baad wo apni aankho ke samne wo unhe dekh rahi thi. wo doudkar apni maa ke gale lipat gayi aur rone lagi. Rani ji ne uski pith par thapki dete huwe kaha.


Rani ji- Are meri bachhi. tum ro kyon rahi ho. ye to khushi ka mauka hai. chalo ab chup ho jao.


Rani jii ki baat sunkar Sarita ne apne aanshu saf kiye aur unse alag hokar apne papa ke panv chhune ke liye jhuki to Aanand ne uska hanth bich me pakadkar apne gale laga liya aur kaha.


Aanand ji- Kaisi hai meri bachhi. tu thik to hai na.

Sarita- Haa papa main bilkul thik hoon.


Tabhi Manisha ne kkhoo khooo ki aawaz nikal kar apna gala saf karne ki acting karte huwe kaha.


Manisha- Are koi hamko bhi pooch le. ham bhi yahi par hain.


Manisha ke aisa bolne par Sarita apne papa se alag hui aur manisha se jakar mili aur poocha.


Sarita- Aap logo ne mujhe kyon nahi bataya ki aap log aa rahe hain.


Manisha- Are bhai. Surprize nam ki bhi koi cheez hoti hai. Uska naam to suna hi hoga. ye wahi hai.


Manisha ki baat sunkar sab hansne lage. Sarita ne Manisha ke sir par halki si chapat lagai aur kaskar usko apne gala laga liya. Abhi bhi sarita ke man me bahut sare sawal chal rahe the. use abhi bhi ye samajh me nahi aa raha tha ki uske mummy papa aur manisha bina use bataye yaha kaise aa gaye. Sarita ne apne man me chal rahe sawalo ko Savita ke samne khol kar rakh diya.


Sarita- ek baat mujhe samajh me nahi aati ki aap log yaha par aaye kaise. kaun lekar aaya aapko yaha par. mera matlab hai ki maine to Savi di ko apne janamdin ke bare me kuchhh bataya bhi nahi tha aur sabse badi baat aap logo me se kisi ko di ke ghar ka address bhi pata nahi tha. to phir ye sab huwa kaise.

Savi- Are thoda sabar to karo. tumhe sab ka jawab mil jayega. pahle tum jao fresh ho jao. mujhe lag raha hai ki tum sidhi PS se hi yaha aa gayi ho. tum jakar apni uniform badal lo.

Sarita- main kamre par gayi thi aur waha se yaha aa gayi. mujhe nahi pata tha ki yaha par aisa kuchh hoga. nahi to main uniform badal kar hi aati. aapne bhi mujhe kuchh nahi batya iske bare me.

Manisha- Are Didiya. baat to tum aise kar rahi ho jaise didi ke bata dene par to tum aati hi. maine hi didi ko mana kiya tha ki aapko kuchh na bataye. aakhir aapko surprise jo dena tha. waise kapade ki chinta aap bilkul na kare di. main apne sath lekar aayi hoon..

Sarita- Kyaa. Itni door se tum kapde lekar aai hoo.

Manisha- Haan jaise ham landon me rahte hain na. Are yaar Inko inspector kisne bana diya. aisa karo didiya. kal hi resigne dekar tum vakeel ban jao . bahut sawal jawab karti ho. main to pak jati hoon tumhare sawalo se. apna yah durlabh talent tum apne clint ke case me lagana. tum pakka har case jeetogi. pata nahi kitne sawal karti ho. tumhare sawalo ka jawab to judge ke paas bhi nahi milega.

Sarita- Achha ab jyada mat bol aur ye bata ki kaun se kapde lekar aayi hai mere liye.

Manisha- Wo gown tumhe yaad hai didiya. jo main tumhe yaha aate samay lane ke liye bola tha. ki ise apne paas rakh lo kisi parti me pahan-ne ke liye kaam aayenge. use hi lekar aayi hoon. Mummy to bol rahi thi ki koi doosra naya kapda khareedne ko, lekin maine hi mana kar diya mummy ko ki didiya ke liye gown hi lekar chalenge.

Sarita- haan pata hai mujhe tu jalbhun kar raakh ho gayi hogi. jab mummy ne mere liye naye kapde khareedne ke liye kaha hoga, tu nahi chahti thi ki mere paas tumse jyada kapde ho.

Manisha- Kyaa baat hai didiya. tumhare dimag to yaha bhi bilkul sahi kam kar raha hai. maine socha tha ki apradhi ko pakadte pakadte tumhare dimag ka dahi ho gaya hoga. lekin ab lagta hai ki main galat thi.

Sarita- Mera dimag to pahle bhi sahi kaam karta tha aur ab bhi sahi kam karta hai, lekin tumhare dimag par mujhe pahle bhi shak tha aur abhi bhi shak hai ki usme lagi hui jang abhi tak saaf hui bhi hai ya abhi bhi lagi hui hai. kabhi kabhi use istemal bhi kar liya karo.


dono bahane apne me hi lagi hui thi. Dono ek doosre se pichhe nahi rahcha chahti thi.
 
Mahi Maurya's SIGNATURE
OP
Mahi Maurya
Member

0

0%

Status

Offline

Posts

68

Likes

11

Rep

0

Bits

0

2

Years of Service

LEVEL 1
100 XP
UPDATE- 35



Dono bahane apne me hi lagi hui thi. unki baat badhte dekh Rani ji na kaha.



Raani ji- Dekha na main na bol rahi thi ki ye bhale hi waha par udas rahti ho, lekin jaise hi dono milengi. billiyon ki tarah ladna shuru kar dengi ab bas bhi karo tum dono. kabhi to apni bakbak band kar diya karo.


Savi- Isi tarah Sarita Nishu se bhi ladti rahti hai.

Manisha- Ab ye nishu kaun hai.

Savi- Mera bhai hai Nishu.

Manisha- Lekin naam se lag raha hai ki Nishu aapki bahan hai.


Manisha ki baat sunkar ek baar fir se sabhi hansne lage. hansi rukne par raghav ne kaha


Raghav- Bas kariye di aap aaj inka janamdin hai aur aap log aaj bhi inki khichaai karne par tule huwe hain.

Manisha- Achha Ji. agar aap nahi batate to hame pata hi nahi chalta. Hame to abhi pata chal raha hai ki Aaj meri didiya ka janamdin hai.


Manisha ki baat sunkar Raghav Jhenp jata hai aur apni garden jhuka leta hai, jabki manisha ki baat sunkar sabhi muskurane lagte hain. ye dekhkar Sarita kahti hai.


Sarita- Manisha ab tum mere hantho maar khaogi.

Savi- Maar to tum bhi mere hatho kha sakti ho Sarita. Sidhi to tum bhi nahi ho.

Sarita- Achha bas bas. Aap logo ka bas chale to pata nahi kya karo mere sath.

Manisha- Haan didiya. tum sahi kah rahi ho, lekin dikkat ye hai ki Inka bas nahi truck chalta hai.


Manisha ki baat sunkar ek baar fir se sabhi hansne lagte hain. Sarita bura sa munh banakar Manisha se kahti hai.


Sarita- Aakhir aa hi gayi apane ghatiya aur sade huwe joks lekar tum.

Manisha- Haan aa gayi main. aapko koi dikkat hai kyaa.

Savi- Achha ab bahut huwa. tum log bas bhi karo. chalo ab sab log shant ho jaiye aur Sarita tum jakar taiyar ho jao. balcony se lagkar jo doosra room hai wo mera hai. tum usi me chali jao aur taiyar ho jao.

Sarita- Thik hai di. Chal manisha tu mere sath.

Manisha- wo to mujhe chalna hi padega. nahi to pata nahi tum aise taiyar hokar yaha aao ki tumhe dekhkar hi log dar jayein.


Itna kahkar Manisha ne Savita ko tali de di. jise dekhkar Sarita ne kaha.


Sarita- Are waahh kya baat hai. abhi thik se jan pahchan ke kuchh hi ghante huwe hain aur aapne party badal li di. waise aapki jankari ke liye bata doon ki baad me aaapke kaam main hi aaungi ye nahi.

Manisha- (naak sikodte huwe) Aapko nahi lag raha hai ki kahi se jalne ki gandh aa rahi hai didi.

Savi- Jalne wale ko jalne do Manisha.


Savita ki baat sunkar Manisha hanste huwe upar kamre me chali jati hain. Kamre me jakar Sarita taiyar hone lagti hai aur Manisha Sarita ko taiyar karwane lagti hai.


Manisha- Dekho didiya. Apne baal khule rakhna. tum par bahut achha lagega. ye nahi ki roj jo sada sa juda bana leti ho wo banane lag jao.

Sarita- lekin Manisha. khule balo se mujhe pareshani hoti hai

Manisha- jab main taiyaar kara rahi hoon aapko to meri baat mano didiya. tum bahut pyaari lagogi khule balo mein.

Sarita- Thik hai meri maa. jaisa tum kaho. waise ye batao ki tum yaha par pahuchi kaise.

Manisha- Are yaar didiya. tumhari problem kya hai. mujhe lagta hai ki tumhe ham sabko yaha dekhkar jyada khushi nahi hui. tumhe ye jankar jyada khushi hogi ki ham log yaha pahuche kaise. Are yaar. pahle tum taiyaar to ho jao, baad me tumhe pata chal hi jayega. achha tum kapde set karo tab tak main iske set nikal deti hoon.

Sarita- Nahi manisha. itna bahut hai. main jyada kuchh nahi pahnungi.

Manisha- Jyada kuchh nahi hai didiya. bas earing hai aur kuchh nahi.


abhi manisha ne itna hi kaha tha ki tabhi door nock hota hai. aur raghav ki aawaz sunai padti hai.


Raghav- Manisha ji. aapko di bula rahi hain.

Manisha- Aap chaliye main aati hoon.

Raghav- di ne kaha hai ki bahut jaroori kaam hai unhe aapse.

Manisha- (chidhkar) Are yaar bol to rahi hoon na ki aa rahi hoon. aap chalo.

Sarita- Manisha. ye kya tarika hai baat karne ka unse. jao jaldi aur jaldi hi aana.


Sarita ki baat sunkar Manisha niche chali jati hai. Manisha ke jane ke baad Sarita darwaza lock nahi karti hai apna kapda aur earing pahan-ne lagti hai.


Tabhi Nishchal bhi ghar aa jata hai aur wo andar na aakar bahar bani hui sidhiyo se upar aata hai aur kamre ka darwaza kholta hai. darwaza khulne ki aawaz sunkar Sarita ko laga ki Manisha aa gayi hai.


Wahi Nishchal kamre me ek ladki ko dekhkar samajh nahi pata ki wo kaun hai Kyonki darwaze ki taraf Sarita ki pith thi. Nishchal ne upar aate samay Sarita ke gharwalo ke bolne ki aawaz niche suni thi to wo soch raha tha ki sab niche hi hain. jaise hi wo usase poochhna chahta hai waise hi Sarita bhol padti hai.


Sarita- (bina mude) Manisha dekho to ye chain mujhse nahi band ho rahi hai. mera hath thik se pichhe nahi pahuch raha hai.


Sarita ki aawaz sunkar Nishchal use pahchan gaya. Ab use samajh me nahi aa raha tha ki wo kya kare. koi jawab na pakar Sarita fir se kahti hai.


Sarita- Kya kar rahi ho manisha. Jaldi se chain band karo to niche chalte hain.


Sarita itna bolkar Apne balo ko pichhe se samet kar aage ki taraf kar leti hai. Jiske karan uski pith nangi dikhne lagti hai. halanki Sarita ne jo gown pahna tha wo deep back ka nahi tha, lekin fir bhi thoda bahut tha jisase uski chikni pith Nishchal ke samne numaya ho rahi thi.


Nishchal ne jab Uski pith ki halki si jhalak dekhi to uske panv jaha the. wahi par jam ho gaye the. Usne kuchh pal Sarita ki pith dekhne ke baad apni nazare pher li. Abhi tak manisha ka koi jawab na milne ke karan Sarita ghoom jati hai. Sarita jaise ghoomti hai wo Nishchal ko samne khada pati hai.


Yahan ek ghatna ye ghati ki jis samay Sarita pichhe ki taraf ghoomti hai usi samay Nishchal bhi Sarita ki taraf dekhta hai. dono ki najarein aapas me milti hain. Nishchal se najar milte hi Sarita jor se chillane wali hoti hai ki tabhi Nishchal duadkar uske paas pahuchta hai aur uske munh par apna hanth rakhkar use chup karata hai aur use deewar se sata deta hai aur bolta hai.


Nischal- Pagal ho kya tum. marwaogi kya. sab niche hall me baithe huwe hain. tumhari aawaz sunkar upar aa jayenge. tumhe aur mujhe ek kamre me dekhkar pata nahi kya sochenge. so please main apna hanth hata raha hoon. aawaz bilkul bhi mat karna.


Nishchal ke aise aakar uske munh par hanth rakhne aur uski ek banh pakad kar use deewar se satate Samay Nishchal ke sparsh se Sarita sharer mein jhurjhuri hone lagti hai. wo bas ek tuk Nishchal ki aankho me dekhne lagti hai aur usme kho jati hai. Nishchal kya bol raha hai use kuchh sunai nahi pad raha tha. Sarita ki taraf se koi jawab na pakar Nishchal ne Sarita ko jhinjhodte huwe kaha.


Nishchal- tum sun rahi ho na main kya kah raha hoon. chillana mat. main hanth hata raha hoon.


Nishchal ke jhinjhodne se Sarita vartman me wapas aayi aur apna sir haan me hilaya to nishchal ne apna hath uske munh se hata liya. Munh se hath hatne ke baad Sarita ne kaha.


Sarita- aaappp… aap yahaa kya kar rahe hain.

Nishchal- Yahi to main tumhse jan-na chahta hoon ki tum mere kamre me kya kar rahi ho. agar tumhe kapde change karna tha to tum di ke room me chali jati.

Sarita- Kyaa… ye aapka room haiii. Lekin di ne to bola tha ki balcony se laga huwa doosra room di ka hai. main usme chali jaun.

Nishchal- Haan di ne sahi kaha tha. balcony se laga huwa doosra room, lekin balcony se laga huwa ye room mera hai aur balcony se laga huwa udhar wala room di ka hai. to di ne us wale room ke bare me kaha tha.

Sarita- Ohhhhh.. Sorry. mujhe nahi pata tha ki ye aapka room hai. main jati hoon dii ke room me taiyar hone ke liye.


Itna kahkar Sarita apna saman sametane lagti hai to Nishchal usase kahta hai.


Nishchal- Nahi Sarita Uski koi jaroorat nahi hai. tum yahi par taiyar ho jao. main niche ja raha hoon.

Sarita- Nahi. aap yahi rahiye. main di ke kamre me ja rahi hoon.


Itna kahkar Sarita apna saman samet kar jane lagti hai . Jaise hi Sarita Nishchal ko cross karke aage badhti hai. Nishchal uski kalai pakad leta hai aur ek halka sa jhatka dekhar apni taraf kheech leta hai. jiske karan Sarita Nishchal ke sine se ja lagi.


Sarita Nishchal ki aankho me dekhne lagi aur Nishchal Sarita ki aankho me dekhne lagta hai. dono ek doosre ki aankho me dekh kar fir se kho jate hain. Kuchh der aise hi ek doosre ki aankho me khoye rahne ke baad Nishchal hosh me aata hai aur Sarita se kahta hai.


Nishchal- tumhe ek baar me samajh nahi aata kya. jab main kah raha hoon ki tum yahi par change kar lo main niche jar aha hooon to meri baat kyon nahi manti tum. tumne meri baat na man-ne ki koi kasam wasam kha rahi hai kya.

Sarita- Mera hanth chhodiye. main aaj ke din aapko thappad marker koi tamasha nahi khada karna chahti.

Nishchal- Tumhe to bas ek hi kaam aata hai mujhe thappad marna. mere gaal ko tumhe mandir ka ghanta samajh rakha hai kya ki tumhara jab man karega tum baja kar chali jaogi. nahi chhodta main tumhara hanth. tum chaho to mujhe thappad mar sakti ho.

Sarita- Please Sir. mera hanth chhod dijiye. mujhe dard ho raha hai.


Sarita ke munh se dard sunkar Nishchal uska hath chhod deta hai. lekin abhi bhi dono bahut kareeb khade huwe the. tabhi Manisha kamre me dakhil hoti hai aur bolti hai.


Manisha- Kya didiya. ABhi tak tum taiy…………….


Aage ke shabd uske munh mein ho rah gaye jab Manisha Nishchal ko kamre me dekha. Wo use ghoorti hui bolti hai.


Manisha- Ae Driver tum kamre me kya kar rahe ho. tumhe pata bhi hai ki didiya kapde badal rahi hai. tum yaha kyon aaye. tumhare irade mujhe thik nahi lag rahe hain. ruko main abhi sabko bulati hoon.


Sarita Manisha ke munh se Nishchal ko Driver kahkar sambodhit karne par chauk jati hai aur Sawaliya najaron se Nishchal ko dekhne lagti hai. Sarita apne man me sochti hai ki ye Nishchal ko driver kyon kah rahi hai. Aakhir chakkar kya hai. Ye hitlar bhi Manisha ki baat sunkar kuchh nahi bol raha hai.


wahi itna kahkar Manisha kamre se jane ke liye mudti hai to Sarita daudkar uska hanth pakad leti hai aur bolti hai.


Sarita- Aisa kuchh bhi nahi hain Manisha jaisa tum samajh rahi ho.

Manisha- Dekho didiya tum bilkul bhi mat daro. mujhe pata hai ki ye tumhara driver hai. lekin iski ye himakat ki ye tumhare sath galat karne ki koshish kare. main ise aise chhodne wali nahi hoon.


Manisha ki baat sunkar Nishchal jor jor se hansne lagta hai. Jisase Manisha chhidkar Nishchal se kahti hai.


Manisha- Ae Driver. Tum kyon apne colgate se ghis ghis kar chamkaye huwe danto ki numaish kar rahe hain. kya maine tumhe koi chutkula sunaya kya. bade dheeth Aadmi ho tum to. main yaha sabko bulane ki baat kar rahi hoon aur tum pagalo ki tarah jor jor se hase ja rahe ho.

Nishchal- hansu nahi to aur kya karu. abhi tumne jo kuchh kaha hai na. wo kisi chutkule se kam nahi hai. Miss Joshi Ko dar lag raha hai. hahahaha. Dar aur wo bhi Miss joshi ko. kabhi nahi. Miss joshi ko dekhkar to dar ko bhi dar lagne lagta hai. hahahahahahaaa.

Sarita- Rahne do Manisha. ye to inka roj ka kam hai. Inhe aise daure hamesha padte rahte hain. Inhe ignore karo aur chalo ham doosre kamre me chalte hain.


Manisha- Aap is driver ko inhe kahkar kyon baat kar rahi hain. Maana ki aap sabko samman deti hain. Lekin isne to Samman dene wala koi kaam kiya nahin hai. Aur doosre kamre me kyon jayenge ham. Jayega to ye driver yaha se.

Sarita- Manisha ye mere driver nahi hain. Ye mere Boss hain. Nishchal Singh Rathod. main inhi ke undar me kaam karti hoon. ye Savita di ke chhote bhai Nishu hain aur ye room inhin ka hai.


Sarita ki baat sunkar Manisha haran rah gayi. Kyonki Nishchal ko driver samajhkar Manisha ne kuchh jyada hi rude bartav kiya tha. dhamki bhi de di thi. Usne Savita se Nishchal ke bare me thoda bhut suna tha. manisha ne hairani ke sath Sarita se kaha.


Manisha- Kya. Ye aap kya bol rahi hain didiya. ye to aapke driver hain. Inhone hi to mujhe bataya tha.


Manisha ki baat Sunkar Nishchal ne kaha.


Nishchal- Maine kab kaha ki main Miss joshi ka driver hoon. tumne hi meri baat nahi suni aur mujhe apni di ka driver bana diya. to maine bhi socha ki ek din driver banker bhi dekh leta hoon.

Manisha- Mujhe maaf kar dijiye. jane anjane agar mujhse koi galti ho gayi ho to.

Nishchal- Are koi baat nahi. thoda bahut to chalta hi rahta hai.

Manisha- Matlab aap wahi hain jinhone……..


Nishchal Manisha ki baat poori hone se pahle hi Sir na me hilakar use mana karta hai aur kahta hai.


Nishchal- Aap dono bhi jakar taiyar ho jaiye nahi to abhi di ka bulawa aa jayega.


Nishchal ki baat sunkar Sarita aur Manisha doosre kamre me chali jati hain aur taiyar hone lagti hain. Sarita ko taiyar karke Manisha Sarita ko niche jane ke liye bolti hai to Sarita kahti hai.


Sarita- Tum bhi chalo na sath me. tum yaha baith kar kya karogi.

Manisha- Tum chalo na didiya. main ye sab samet kar aati hoon.


Manisha ki baat sunkar Sarita Niche chali jati hai. Sab Saman sametane ke baad Manisha bhi bahar jane lagti hai. Phir kuchh soch kar Nischal ke room ki taraf jati hai. Manisha Uske room ka darwaza khatkhatati hai. To Nishchal ki aawaz aati hai.


Nishchal- Darwaza khula hai. Andar aa jaiye.


Nishchal ki baat sunkar Manisha kamre me aakar darwaza band kar leti hai aur Nishchal se kahti hai.


Manisha- sorry. Mujhe maaf kar dijiye aap. Maine aapse ache se baat nahi ki mujhe nahi pata tha ki aap Savita didi ke bhaai hain. Maine bahut kuchh ulta siddha bol diya tha aapko. Phone par bhi maine aapko dhamki de di. Aapko driver bola. Uske liye maaf kar dijiye.

Nishchal- Are Koi baat nahi. Aise wakiye ho jate hain kabhi kabhi. Waise mujhe bhi is wakiye me bahut maza aaya.

Manisha- (chahakte huwe) Waise mujhe ek baat samajh me nahi aayi ki jab main didiya ko bata rahi thi to aapne mujhe mana kyon kiya ki aapne hi ham logo ko yaha bulaya hai didiya ke birthday me shamil hone ke liye. Unko surprize dene ke liye.

Nishchal- tum nahi samjhogi. Meri aur uski bilkul bhi nahi banti. 36 ka aankda hai ham dono ke bich. Agar use pata chal gaya ki maine hi tum logo ko yaha bulaya hai to wo chidh jayegi aur isase bhi sada surprise ham sabko de degi.


Manisha- (shatir nigaho se dekhte huwe) Achha. Banti nahi hai aapki didiya se. fir bhi usko itni badi Khushi de di aapne.

Nishchal- Matlab. Tum kahna kya chahti ho.

Manisha- Aapko nahi pata ki didiya mummy papa ko kitna pyaar karti hai. Unki to jaan basti hai mummy papa mein. Unhe is tarah se achhanak yahan dekhakar wo bahut khush hain.

Nishchal- Chalo Achha hi hai. Kam se kam use Khushi to mili kisi cheez se. fir bhi mera naam galti se bhi mat lena nahi to uski Khushi gusse me badalte der nahi lagegi. Itna din baad to wo khush dikh rahi hai. Nahi to lady don bani firti rahti hai. Jangali billi.

Manisha- (Hanste huwe) Yes boss. Waise didiya ke upar ye naam bahut shut kar raha hai. Lady don. Jangali billi.


Manisha ki baat sunkar Nishchal hansne laga aur bola.


Nishchal- Ek baat bolu tumse.

Manisha- Yes boss. Kahiye.

Nishchal- wo kya hai ki mujhe aisa lagta hai ki tum apni bahan se kuchh jyada hi samajhdar ho.

Manisha- (khush hokar) Dhanyawaad Boss. Mujhe ye sunkar bahut Khushi hui. Kam se kam kisi ne to meri kabiliyat ko pahchana. Nahi to didiya hamesha kahti hai ki main kisi kaam ki nahi hoon.


Itna kahkar Manisha hansne lagti hai Uske sath me Nishchal bhi hansne lagta hai. Hanste huwe nishchal ne kaha.


Nishchal- Aaj se main tumhe chhote miya bulaunga. Chalega na.

Manisha- chalega nahi daudega. Aur main aapko aaj se boss bulaungi. Chalega na.

Nishchal- (hanskar) Chalega nahi daudega.


Nishchal ki baat sunkar Manisha hansne lagi sath me Nishchal bhi hansne laga. Tabhi Savita ki aawaz aati hai jo unhe niche bula rahi thi. Dono hanste huwe niche aata hain.
 
Mahi Maurya's SIGNATURE
OP
Mahi Maurya
Member

0

0%

Status

Offline

Posts

68

Likes

11

Rep

0

Bits

0

2

Years of Service

LEVEL 1
100 XP
UPDATE- 36


Nishchal ki baat sunkar Manisha hansne lagi sath me Nishchal bhi hansne laga. Tabhi Savita ki aawaz aati hai jo unhe niche bula rahi thi. Dono hanste huwe niche aata hain.


Haall ke bich me ek bada sa round table laga huwa tha. Jis par cack rakha huwa tha. Hall ki sajawat ki gayi thi. Table ke charo or gubbare lagaye gaye the. Hall ko ekdam Dulhan ki tarah sajaya gaya tha. is sajawat ke poore kaam ko Mohit, Javed aur Raghav ne milkar kiya tha.


Usi table ke paas sabhi log maujood the. Niche aane ke baad Manisha Sarita ke paas chali gayi. Nishchal ki najar jab Sarita par padti hai to wo apni aankhe jhapkana bhool jata hai.


Sarita ke badan par is samay Halke green aur blue colour ka party gown tha. uske sath hi chehre par halka sa make-up, khule huwe baal, kano me gown se maching colour ki earing aur bahut hi pyaari muskan ke sath uski khoobsurti me char chaand laga rahi thi.


Uske sath hi uske balo ki ek lat uske chehre par aa rahi thi. Jise wo apne hantho se baar baar sanvar rahi thi. Nishchal ne Sarita ka aisa roop pahli baar dekha tha aur ye roop dekhne ke baad wo Sarita mein kho sa gaya tha. Uski najarein Sarita par se hat hi nahi rahi thi.


Nishchal na Sarita ko hamesha se Vardi me dekha tha ya fir sadharan se kurte aur jeens me dekha tha. par aaj party gown me Nishchal Sarita ko pahli baar dekh raha tha. jisme sarita kahar dha rahi thi. Nishchal Sarita ki khoobsurti me khoye huwa tha. Uska dhyaan Manisha ki khanakti hui aawaz se bhang huwa.


Manisha- Chalo dididya ab cack cut karo. bahut joro ki bhookh lagi hai.


Manisha ki baat sunkar Sarita ne hanth me chaku uthaya. Manisha ne mombatti jalayi aur sarita jaise hi cack katne ke liye nichhe jhuki. uske hath wahi par jam ho gaye aur aankho se jhar jhar aanshu bahane lage. Sarita ne chaku niche rakh diya. ye dekhkar Savi ne kaha.


Savi- Kya huwa Sarita Chaku kyon niche rakh diya. Cack kato na.


Lekin Sarita ne uski baato ka jawab nahi diya aur rote huwe kamre me chali gayi. Nishchal. Raghav, Savita, Mohit aur Javed Aashcharya se Sarita ko jate huwe dekhte rahe. Unhe samajh me hi nahi aa raha tha ki Sarita ko Achhanak kya ho gaya.


Manisha, Aanand ji aur Rani ji samajh gaye the ki baat kya hai. isliye Manisha Didiya Didiya karke Uske pichhe pichhe bhagte huwe uske kamre me chali gayi. Khushiyo ka mahaul gamgeen ho gaya tha. Savita ne Rani ji se poochha.


Savi- Sarita ko Kya ho gaya Aunti Ji. Ye Achhanak rone kyon lagi.

Raani jj- Ab Kya batau beti tumhe. meri to kismat hi kharab hai. meri bachhi ne Jindagi mein bahut dukh jhele hain. ye dukh meri bachhi ka pichha hi nahi chhod raha hai.

Savi- Aakhir baat kya hai Aunti. Sarita ne achanak aisa react kyo kiya. ham logo ne to use aisa kuchh nahi kaha jiski wajah se wo rone lag jaye.

Aanand jj- Aap logo ne kuchh nahi kaha. wo to apne bhaai ki wajah se ro rahi hai.

Nishchal- Apne bhaai ki wajah se. main kuchh samjha nahi.

Aanand ji- Baat ye hai ki mera ek beta bhi tha. Abhishek naam tha uska. wo apni bahano se bahut pyaar karta tha. Uski to jaan basti thi apni bahano mein. Sarita aur Manisha bhi Use bahut pyaar karti thi. Meri ek galti ki wajah se wo ghar chhod kar jo ek baar gaya to kabhi lautkar dobaara ghar nahi aaya.

Meri baat ko ignore karke wo shayad ghar aa bhi jata, lekin jab Sarita ne bhi use galat kaha to shayad wo bardast nahi kar paya. isliye wo ghar kabhi laut kar nahi aaya. hamne use bahut dhoondha, lekin wo nahi mila. uske baat to jaise meri bachhi ke jeewan se khushiya hi chali gayi.

Koi bhi tyohar, khushi ka mauka, Birthday Sarita ka aise hi bit-ta hai. har khushi ke mauke par wo apne bhai ko yaad karke aise hi roti hai aur ham sabko bhi rulati hai. wo kahti hai ki wo apne bhai ko dhooondh legi. lekin pata nahi wo kaha hoga, kiss haal me hoga, hai bhi ya nahi pata nahi.


Itna kahkar Aanand ji aur Rani ji ki aankho me bhi aanshu aa gaye. SaVi ne Rani ji ko jabki Nishchal ne Aanand ji ko sambhala. Sabhi ke chehre par gam saf dikhayi de raha tha. Udhar Manisha Kamre me Sarita ko samjha rahi thi.


Manisha- Ye kya hai didiya. tum fir se bhaiya ko yaad karke rone lagi.

Sarita- Main kyaa karu Manisha. mujhe bhaiya ki bahut yaad aati hai. jab bhi aisa koi mauka hota hai to main apne aapko rok nahi pati hoon. kaas aaj bhaiya bhi hamare sath hote to kitna achha hota. meri ek galti ke karan bhaiya mujhse itna naraz ho gaye ki ek baar bhi apni bahan se milne tak nahi aaye. kya main itni buri hoon manisha.

Manisha- Nahi didiya. Aap duniya ki Sabse Achhi bahan ho. Dekh lena ek din bhaiya ko apni galti ka ehsas hoga aur wo hamare paas laut kar aayegne.

Sarita- Wo din kab aayega manisha. jab bhaiya laut kar aayege aur hame pahle ki tarah pyaar karenge.

Manisha- Wo din bahut jaldi aayega didiya. Ab chalo bahar aur cack kato. tumne apne chakkar me sabko rula diya hai. tumko pata hai na ki jab tum bhaiya ko yaad karke roti ho to mummy papa ko kitni takleef hoti hai. chalo ab jaldi se apna chehra saf karo aur bahar chalo. sab tumhara intezar kar rahe hain.

Sarita- Tum chalo main aati hoon.


Manisha SArita ki baat sunkar bahar chali gayi aur Sarita bathroom me ghus gayi. Manisha jab bahar aayi to Rani ne poochha.

Raani ji- Kaisi hai meri bachhi manisha.

Manisha- Aap ki bachhi ko kuchh nahi huwa hai. wo aa rahi hai. faltu me drama karti rahti hain didiya.

Rani ji- Tu chup kar. meri beti ke pyaar ko drama kah rahi hai.


tabhi Sarita kamre se bahar aati hai. uske chehre par ab pahle jaisi khushi nahi dikh rahi thi. wo aakar table ke samne khadi ho gayi. Manisha ne fir dobara se Candle jalai. Sarita ne cack kata aur sabko ek ek peace khilane lagi. Sabne use birthday wish kiya.


Sarita ne apne mummy papa ko cack khilane ke baad usne unka aashirwad liya. fir Savita ko Sarita ne cack khilaya fir ek tukda uthakar manisha ko khilane jane lagi. lekin manisha gubbaara phodne ke liye idhar udhar bhag rahi thi. Manisha ne apna phone SAvi ko de diya aur photo kheechne ke liye bol diya. Sarita ne Manisha se kaha.


SArita- Tum ek jagah khadi nahi ho sakti ho kya. gubbare baad me phod lena, tumhare alawa yaha par koi chhota bachha nahi hai. sab tumhe hi phodne ke liye milega.

Manisha- Lo khadi ho gayi hoon Khilao.


Sarita ne cack ka tukda liye apna hanth aage badhaya. Manisha ko pata nahi kya shararat sujhi ki jaise hi Sarita ka hanth uske munh ke paas pahucha wo waha se hat gayi. Manisha ke thik pichhe Nishchal khada tha.


jaise hi manisha hati. Sarita ke samne Nishchal khada tha. jab tak Sarita apna kuchh samajhti tab tak Sarita ka hanth Nishchal ke munh tak pahuch gaya tha, Fir bhi Sarita ne apna hanth rok liya aur hanth wapas karne lagi to Nishchal ne kaha.


Nishchal- AB hath aage badhaya hai to khila bhi do. waise bhi kisi ne kaha hai ki dane dane par likha hota hai khane wale ka naam.


Nishchal ki baato ka Sarita ne koi jawab nahi diya. wo waha se jaise hi jane ko hui. Nishchal ne uska hanth pakad liya aur uske hanth se cack lekar uske munh ke paas karke bola


Nishchal- Agar mujhe khila nahi sakti ho to kam se kam mere hantho se kha hi lo. aur haan Janamdin kii bahut bahut badhaai Miss Joshi.


Sarita ne Nishchal ko gusse se dekha, lekin is samay wo koi tamasha create nahi karna chahti thi. isliye usne chupchap cack kha liya. Savi ne Manisha ke phone se is movement ko kaid kar liya. cack khane ke baad Sarita ne Nischal ko thank You kaha aur waha se chali gayi. Nishchal ke chehre par muskan aa gayi.


udhar Manisha gubbare phodne ke chakkar me idhar udhar bhag rahi thi. tabhi wo Raghav se takra gayi. dono ki takkar kuchh jyada hi tez thi. jiske kaaran dono ka balance bigad gaya aur dono jameen par gir pade. ab setuation ye thi ki Raghav jameen par pith ke bal gira huwa tha aur Raghav ke upar Manisha pet ke bal giri hui thi.


manisha poori tarah se Raghav ke upar dhah gayi thi. girne ke karan uske munh se cheekh nikal gayi. uski cheekh sunkar Sabhi ki najar unki taraf gayi to Sarita jaldi se unke paas pahuchi aur Manisha ko pakadkar Raghav ke upar se uthaya. Manisha ke uthane ke baad Raghav bhi uth kar khada ho gaya.


Manisha Chunki Raghav ke upar giri thi, isliye use jyada chot nahi aayi thi, lekin wo thahri ladki aur ladkiyan jaldi apni galti manti nahi hai aur ladki hone ke karan natak bhi karti hain Sampathy gain karne ke liye to Manisha ne Raghav ko ghoorkar dekhate huwe kaha.


Manisha- Andhe ho tum. tumhe dikhayi nahi deta kya. dekh ke nahi chal sakte kya. tumhari aankhe hain ya aalu. aahhhhhhh maar dala reeee. bahutt tezz dardd hoo raha haiiii mujhee. uuuuuiiiiii mummyyy.

Raghav- Mujhe maaf kar dijiye Manisha Ji. maine aapko dekha nahi tha ki aap udhar se aa rahi hain.

Sarita- Are nahii Raghav ji. Aap kyon maffi mang rahe hain. ye sab iski nautanki hai. Jab bandro ki tarah idhar udhar uchaal kood kar rahi hai to yahi hoga na. ise chhot wot kuchh nahi lagi hai. choot to aapko lagi hogi, kyoki ye bhais aapke upar jo giri thi. (hanste huwe)


Manisha- (ghorkar) Didiya. tum meri side ho ya uski side. he bhagwaan mera to koi hai hi nahi is kalyugi sansar me. Mujhe utha le bhagwan. Mujhe nahi rahna in praniyo ke bich.


Manisha ki nautanki dekhkar sabhi hans rahe the. Raghav ke chehre par bhi muskaan aa gayi Rani ji ne Manisha se kaha.


Rani ji- Chalo manisha ab bas karo. bahut ho gaya tumhara. kahi bhi shuru ho jati ho. ye tumhara ghar nahi hai Manisha.


Rani ji ki baat sunkar Manisha bura sa munh banati hai. Sabhi log fir se haal mein baith jate hain. Mohit aur Jawed Ko ghar jana tha isliye wo khana khane chale gaye. Manisha ko fir se kuchh shararat sujhi to Manisha sofe par khadi ho gayi aur apne hanth ko mike banakar boli.


Manisha- hello, hello, mike testing hello. haan Attention Please. Sabhi Sarv Samanya ko suchit kiya jata hai aur jaisa ki aap sab jante hain ki aaj hamari pyaari didiya, sundar didiya, thodi si nakchadhi didiya aur bahut hi jyada gussail didiya ka janamdin hai. aaj meri didiya poore… kitne sal ki ho gayi ho didiya. haan poore 52 saal ki ho gayi hain.


Manisha ki baat sunkar Sabhi hansne lage. SArita ne manisha ko gusse se dekhte huwe kaha.


Sarita- Abhi to tumko chot lagi thi aur bahut dard bhi ho raha tha. lagta hai usi ka prabhav hai ki tumhara dimag thik se kam nahin kar raha hai.


Manisha- Ohhhhh, legta hai ki maine kuchh jyada bol diya. to deviyon aur sajjano. maine abhi jo apni didiya ki umar 52 varsh batayi hai wo bahut jyada ho gaya hai. meri didiya to abhi 25 sal ki hui hain. to is khushi ke mauke par kyon na kuchh masti majak aur dance gana ho jaye. Kya kahte hain aap sab log.

Raghav- Lekin aap dance kaise karengi. Aapko to abhi kuchh der pahle chot lagi hai na.

Manisha- Wo to thik ho gayi.

Raghav- Aise kaise thik ho gayi.

Manisha- To aap kya chahte hain ki meri chot aapse puchhkar thik hoti. baat karte hain.

Sarita- Maine kaha tha na ki ise kuchh nahi huwa hai. ye sab iski nautanki hai. Ise yahi kaam bahut achhi tarike se aata hai.

Manisha- Lagta hai aap dono ko kuchh jyada hi takleef ho rahi hai mujhe thik dekhkar. agar aap dono kahe to main apne hanth pair tudwakar baith jaun. matlab ek bhali changee ladki dekhi nahi ja rahi hai dono ko. khair chhodo main aap dono ki baato par dhyan nahi doongi. ye bataiye ki aap sab taiyaar hain ya nahi.

Savi- Main to taiyaar hoon aur mujhe lagta hai ki baki sab bhi taiyaar honge.

Sarita- Mujhe koi Intrest nahi hai in sab mein. Mujhe nahi khelna ye game.

Manisha- Dekho na ma. didiya kya kah rahi hain.

Sarita- Maa se kya baat kar rahi ho. mujhse baat kar. maine ek baar kah diya na to tumhe samajh me nahi aa raha hai kya. mujhe intrest nahi hai is game me.


Nishchal- (apne man me) Kya ladki hai ye yaar. Kitna gussa karti hai. Main ise kaise sambhalunga. Ohhh shiiiittt. ye main kyaa sochane laga. agar is baat ki bhanak bhi ise lag gayi to ye mujhe kachha chaba jayegi.

Manisha- Tum chupchap baithi raho didiya. maine tumse to nahi kaha na. maine mummy se kaha hai.

Raani ji- Ye kya hai Sarita. Manisha itne pyaar se kah rahi hai aur tum naraz ho rahi ho.

Sarita- Meri sach me is game me ruche nahi hai aur meri ichhha bhi nahi ho rahi hai koi game khelne ki. aap samajh sakti hain na maa.

Savi- Chalo koi baat nahi. fir kabhi ye game vagairah ka programme ho jayega. Chaliya ab sabse pahle khana kha lete hain uske baad sona bhi to hai. aap log subah se safar me thake huwe honge.

Manisha- (Sarita ko ghoorkar) tum bahut boring Prani ho didiya. tumhare man ka ho gaya na. kabhi to khul kar kisi cheez mein intrest dikhaya karo na. hamesha mujhe nahi khelna mujhe nahi khelna karti rahti ho. (Raghav ko dekhkar) tumhare man ka bhi ho gaya na. tum bhi to yahi chahte the na

Raghav- (man me) kya ladki hai yaar. job hi man me aata hai bol deti hai. ye bhi nahi sochti ke samne wala kya sochega. beijjati kar deti hai ekdam se. isase bachkar rahna padega. jab tak ye yaha par hai main isase door hi rahunga.

Nishchal- (man me) Kya baat bol di tumne chhote miya. kaun kahta hai ki tumhari didi ko kisi cheez me intrest nahi hai. gussa karna aur thappad marna in dono me bahut achhi tarah se interest leti hai.

Sarita- Di. main soch rahi thi ki khana khakar main sabhi ko lekar apne room par chali jaungi. aap bilkul bhi pareshan na ho.

Savi- Kyon. Yaha rukne me kya burai hai. Aaj yahi ruk jao. kal subah nashta wagairah karke chali jana. Aaj sab log sath me hain to kitna achha lag raha hai. Roj kaha Uncle, Aunty se mulakat hogi. Please Aunty ji aaj yahi par ruk jaiye na. kal subah chali jaiyega.

Raani ji- Are bitiya tumhe please kahne ki jaroorat nahi hai. jaise manisha aur Sarita meri beti hain. waise tum bhi to meri beti hi ho. ham aaj raat yahi rukenge.


Rani ji ki baat sunkar Savita khush ho jati hai. fir sabhi log milkar khana khate hain. Sarita Aaj apni maa ke sath hi soyi unse lipatkar. Itne mahine baad apni maan ke aanchal me lipatkar use sukoon ki neend aayi. Uske bagal me Manisha so rahi thi. Aanand ji Nishchal ke sath uske kamre me sone ke liye chale gaye.
 
Mahi Maurya's SIGNATURE
OP
Mahi Maurya
Member

0

0%

Status

Offline

Posts

68

Likes

11

Rep

0

Bits

0

2

Years of Service

LEVEL 1
100 XP
UPDATE- 37


Rani ji ki baat sunkar Savita khush ho jati hai. fir sabhi log milkar khana khate hain. Sarita Aaj apni maan ke sath hi soyi unse lipatkar. Itne mahine baad apni maan ke aanchal me lipatkar use sukoon ki neend aayi. Uske bagal me Manisha so rahi thi. Aanand ji Nishchal ke sath uske kamre me son eke liye chale gaye.


********

Usi Raat Shahar se door Ek kamre me Bachha singh baitha huwa tha, uske hanth mein sharab ki poori bhari hui botal thi. jise wo gat gat karke khali kar raha tha.


Sharab pine ke baad usne botal ko deewar par de mara. Bachha singh ka chehra gusse me tamtamaya huwa tha. uske bagal me Kaluwa, Raka aur Shambhu bhi baithe huwe the. Bachha Singh gusse se phunfkarta huwa bola.


Bachha Singh- Thhu hai tum sab ki zindagi par salo. tum sab Ek laundiya ko thikane nahi laga paye. bahut bade gunde bane firte ho. jakar chullu bhar pani me doob maro tum sab.

Kaluwa- Aisa mat kaho bhaai. Apan bhaeje rahe do aadmiyan ke. Lekin hamka nahi maloom tha ki dono ke dono ekdam nithalle nikalenge. Ek Laundiya ko nahi maar payenge.

Bachha singh- Raghu Aa Raha hai 3-4 din mein. Use agar is baat ka pata chal gaya ki tu saban ek ladki ko nahi maar paye to pata nahi wo kya karega tum sab ke sath.

Rakaa- Aap shaant ho jaiye maai baap. ham kuchh karte hain kuchh.

Bachha singh- (gusse se chillate huwe) Kaa karoge….. haaann bolo.. kaaa karogeee.. bol be. Sala itne din se dekh to raha hoon ki kaa kaam kar rahe ho tum sab. Ek kaam bhi tum saban se dhang se nahi hota.

Hamari hi mati mari gayi thi jo tum logo ke bharoshe ab tak baitha raha aur tum logan ko use marne ka kam saupa. Hamhi chutiya the jo soch rahe the ki ladki hai jyada kuchh nahi kar payegi, agar bahut pahle hi uska kaam tamam kar diye hote to aaj ye din nahi dekhna padta.

Shambhu- Aap apna khoon kahe jala rahe hain maai baap. Aap shant ho jaiye. Ab to Rahu bhai aa hi rahe hain to unke aane ke baad wo sab sambhal hi lenge.

Bachha Singh- (Gusse se) Haan jab Sab wahi sambhalega to tum log kaa achaar dalne ke liye baithe ho yaha. Bhago salon. Nikalo yaha se aur jab tak main na bullaun apni shakal bhi mat dikhana mujhe nahi to tum logo ki gand me goli marunga main. Bhago yaha bujdilo.


Bachha Singh ki dutkar se Kaluwa, Shambhu aur Raka Waha se chale gaye.


******

Agli Subah Sab log sokar uthe. Kaal ki thakan ke baad sabhi ko achhi nind aayi thi. Savita ke yaha kafi chahal pahal thi. Sabhi apne apne kam me vyast the. Sarita Subah jaldi uthkar PS ke liye nikal gayi thi. Raani ji ne use jaldi ghar aane ke liye bola tha. Rani ji apna saman pack kar rahi thi ki tabhi Savi unka nashta lekar kamre me aati hai.


Savi- Good Morning Aunty ji. Aap apni packing Kyon kar rahi hain. AAp log aaj hi ghar ke liye nikal rahe hain kyaa.

Rani ji- Haan bitiya. Waha bhi ghar me tala laga huwa hai.

Savi- To bas aaj bhar ke liye aap log aur ruk jaiye. Kal aap log chale jaiyega. Sarita ko bhi aap logo ke sath rahne ka mauka mil jayega.

Raani ji- Nahi bitiya. Ab hame jane do. Bahut kaam pada hai waha bhi.

Savi- Please Aunty. Ruk jaiye na. Bas aaj bhar ke liye ruk jaiye. Aapne mujhe apne beti kaha hai to apni is beti ki baat maan lijiye Aunty ji.

Raani ji- Thik hai bitiya. Ab tum itna kah rahi ho to ham ruk jate hain, lekin aaj tak hi. Kal ham logo ko jane se nahi rokogi.

Savi- thank You Aunty ji. To Chaliye aaj Aap sab log mere sath aaj shoping karne. Isi bahane thoda ghoomna firna bhi ho jayega.

Raani ji- Thik hai bitiya jaisa tummhe thikk lage.


Raani ji se baat karne ke baad Jab Savita bahar aayi to Nishchal ne use apne kamre me aane ke liye kaha. Savita Nishchal ke kamre me pahuchi aur kaha.


Savi- haan Nishu. Kuchh kaam tha kya.

Nishchal- Mujhe aapse bahut jaroori baat karni hai di. wo main… wo main.. kah raha tha ki aaj Se Agar Sarita hamare sath rahe to aapko koi dikkat to nahi hai.

Savi- (Hairani se) Kyon Kya huwa. Koi baat ho gayi kyaa.


Fir nishchal ne Us din ki sari ghatna Savi ko bata di. jise sun-ne ke baad Savi bhi chintit ho gayi aur usne Nishchal se kaha.


Savi- Achha Isiliye tum us din der raat tak uske sath the.

Nishchal- Haan di. waise Darne ki koi baat nahi hai. PS me waise bhi uska koi kuchh nahi bigad sakta. Waise bhi main to hoon hi uska dhyaan rakhne ke liye. Lekin Use Uske quarter me khatra hai.

Savi- Baat to sach me bahut Gambhir hai, lekin mujhe ye samajh nahi aa raha hai ki Sarita ne mujhse is baat ka jikar tak nahi kiya abhi tak. Uski family bhi nahi rahti sath me uske to kam se kam mujhe to bata sakti thi na.

Nishchal- Aap to janti hi hai di ki wo kitni jiddi hai. Kisi ki nahi sunti. Maine jab use kaha ki ab se use mere ghar par rahna hai to wo mujhse bhi bahas karne lagi, bolne lagi ki wo kisi bhi kimat par hamare sath nahi rahegi.

Savi- Achha. Aane do use aaj. Main bhi dekhti hoon ki wo kaise apne man ka karti hai. Use yaha to rahna hi padega.

Nishchal- Thik hai di. Aap use achhe se samjha dena ki jid na kare. Nahi to main apni jid par aa gaya to use bahut mahanga padega.

Savi- Haan dekhi hoon main tumhe. Uske samne aate hi bhigi billi ban jate ho aur baat aise kar rahe ho jaise bahut teer mare hain Uske rahte.

Nischal- Kyaa di ab aap bhi meri khichai kar rahi hain. Jaaiye main aapse baat nahi karta.

Savi- Are nishu main to majak kar rahi thi. main use achhe se samjha dungi. Tum fikar mat karo.


Savi ki baat sunkar Nishchal bhi taiyar ho kar apne kaam par nikal jata hai. Uske jane ke baad bhi Nishchal ki baate hi Savi ke dimag me ghoom rahi thi. Use Sach me sarita ki chinta hone lagi. Usne aaj hi Sarita se baat karne ka nirnay liya.


********

Idhar Bachha Singh ka Chhota bhaai Raghu Jis kaam ke liye Shahar se bhahar gaya tha. Wo kaam poora karke wapas Samay se pahle hi laut aaya tha. Aur Sidha bachha sinhg se milne ke liye Apne Adde par pahucha. Waha par use koi nahi dikha to Usne Bachha Singh ko phone lagaya to Bachha singh ne uSe Naye address par milne ke liye bulaya.


(Raghu 27-28 Sal ka ek Gabaru Naujawan hai. Sharir se balishth , Majboot kadkathi ka aur Aakarshak Vyaktitva ka Swami hai. Lambai lagbhag 6 fit ki, Gehuwe rang ka kaafi teekhe nain kakhs wala banda hai jo apne ek hanth me hamesha gold ke kade pahanta hai. Chehre par hamesha Gambhir bhav rakhta tha.

Dekhne wale Use Bahut siddha samajhte the, lekin uske Isi gambhir bhav ke pichhe Bepanah Gussa chhupa hota tha. Wo Ek Anath tha aur Bachha Singh ko Sadak kinare mila tha jab uski umar 5 Sal ki thi. Usne Bachha Singh ko Bhaiya bol kar khana manga tha. Raghu ki baato mein aisa jadu tha ki Bachha singh ko Uspar Taras aa gaya aur usne Raghu ko apne sath Rakh liya. Tab Se Bachha Singh hi Uske liye maa Baap Bhaai Bahan Sabkuchh tha.


Raghu Bachha Singh ko bahut manta tha. Wo Uske Alawa kisi ki baat nahi suntan tha, Yahan tak ki Boss Aur Sarkaar ki bhi. Boss Aur Sarkaar Bhi Use kuchh nahi bol Pate the, kyonki Wo bhale un dono ki baat nahi sunta tha, lekin bachha singh jo kaam bolta tha, use bahut hi safai se bina koi surag chhode samay se pahle Anjaam deta tha, isliye Boss Aur Sarkaar bhi Iske murid the. Raghu ka Link bahut hi tagda tha. Wo UP ke lagbhag har jile me apna kaam karta tha. Ab Raghu desh ke bahar bhi apna dhandha badhane ki firak me tha)


Raghu- Pranam bhaiyaa. Kya ho gaya bhaiyaa. Aap yahan par kyon baithe hain. Apna purana Adda badal diya Kyaa. Udhar koi doosra sambhal raha hai kya kaam. Waise ye jagah to pahle wali jagah se bhi jyada mast hai.

Bachha Singh- Are nahi Re Raghu. Aise koi baat nahi hai. Bas Apna dhandha Abhi bahut manda Chal raha hai. Isliye Wo jagah Chhodkar Ham Log Idhar Sift ho gaye hain. Tum baitho mere paas. Ham tumko sab batate hain.


Bachha singh ne Raghu ko kheechkar apne paas baith aliya. Bachha Singh ki baat sunkar Raghu ko kuchh andesha ho gaya ki koi na koi baat hai jo usase chhupai ja rahi hai. Uske Bachha Singh ke paas baith-te huwe Poocha.


Raghu- Bhaiya. Yuun Baat ko gol gol mat ghumao aur Saf Saf batao ki baat kya hai. Aapki bato se lag raha hai ki koi badi baat hogi.

Bachha Singh- Haan Chhote. Baat to bahut badi hai. Ek Nayi Inspectorany Aayi hai……..


Iske baad Bachha Singh ne Raghu ko Sari kahani batane lagta hai jo abhi tak ghati thi. jaise jaise Bachha Singh batata ja raha tha. Waise waise Raghu ke chehre ka rang aur bhav badalta ja raha tha. Poori kahani sun-ne ke baad Raghu Gusse me chillate huwe bola.


Raghu- Ye kya Kiya aapne Bhaiyaa. Itna kuchh ho gaya aur aapne ek baar bhi mujhe batana jaroori nahi samjha.

Bachha Singh- Ham Tumhara hi intezar kar rahe the. Ham soch rahe the ki jab tun yaha aaoge to ham bataenge. Hamne tumko isliye pahle nahi bataya kyonki main nahi chahta tha ki tum jis kaam ke liye gaye huwe ho. wo kaam adhora chhod kar aao. Maine socha ki pahle wo kaam poora kar lo. Uske baad yaha ka bhi dekh lenge.

Raghu- Waha ke kaam ke chhakkar me chahe yaha ka kam chaupat hi ho jaye. Hai na bhaiyaa.

Bachha Singh- Aisi koi baat nahi hai Chhote. Hamne tumko Isliye pahle nahi bataya tha ki hamko laga tha ki ham apni taraf se Us Inspectorani ko dekh lenge, magar wo bahut chalak hai. Hamse na ho paya.

Raghu- (gusse se dant piste huwe) Tum fikar mat karo bhaiya. Ab Raghu aa gaya hai na. To ab Poora hisab kitab hoga us laundiya aur Raghu ke bich.

Bachha- Ham to ab sab tumhare upar chhod diye hain. Ab jo bhi kaam karna hai tumhe hi karna hai. Ab wo tum soch lo ki kaise karna hai. Jaise bhi karna hai tum khud sambhalo ise. Ham to ye kah rahe hain ki Ab Jaunpur bhi tumhi dekho. Lagta hai ki ab mujhme wo baat nahi rahi gayi hai Chhote.

Raghu- Nahi bhaiya Aap me abhi bhi wahi baat hai. Aap bilkul bhi fikar mat karo. Bina uska kaam tamaam kiye to hamko bhi ab chain nahi milega. Ho sakta hai Kal hi aapko ek bahut Achhi khabar sun-ne ko Mil jaye.

Bachha- Ham to kab se ye Khushi sun-ne ke liye taras rahe the. Mujhe us Khushi ka intezar rahega Chhote. tum chaho to jate huwe apne 8-10 aadmiyon ko bhi sath me le jana. tumhe apna kam karne mein aasani hogi.

Raghu- Uski jaroorat nahi hai bhaiyaa. agar un sab ke gude me itna hi dam rahta na to mujhe apna hanth is kaam me nahi dalna hota, lekin sale sab nikamme hain. ab ye sab dekh lenge aur police wale bhi dekh lenge ki main us inspectorani ka kya haal karta hoon.

in police walo ki nani na yaad dilayi to mera naan bhi Raghu nahi. Sala main kuchh kaam se bahar kya chala gaya police ke bhi pankh nikal aaye hain jo jo sab sher bane fir rahe hain.

Bachha- tum chaho to jate samay ek baar singh Sahab se mil lena. tumhari kuchh madad bhi ho jayegi.

Raghu- Wo bhala kisliye.

Bachha- Are Chhote wo jane mane nete hain. tumhari har tarah se madad kar sakte hain. hamare sath achha khasa mel-jol hai unka.

Raghu- Aapki madad ki kya us neta ne bhaiyaa.

Bachha- Nahi Chhote, Is samay chunav ka seasion hai to wo apne chunav me lage huwe hain. wo apni chhavi kharab nahi karna chahte hain na.

Raghu- To jab us neta ne aapki madad nahi ki to meri madad kya khaak karega. ye neta sale jab apno ke sage nahi hote to hamare kya honge. main kisi ke paas nahi jaunguga bhaiyaa. mujhe apna kam bakhubi karna aata hai aur uska tareeka bhi mujhe pata hai.

tabhi to maine itna khoon, kidnapping, smuggling ki. lekin aaj tak mujhe police pakad nahi paayi. kyonki use pata hi nahi hai ki Raghu dikhta kaise hai. Agar main unke samne jakar bhi baith jaun to bhi mera kuchh nahi kar sakte wo log. Isliye main apne tareeke se hi kaam karunga.Aaap bas achhi khabar ka intezar karo bhaiya. ab main chalta hoon.


Itna kahkar Raghu Apna hanth hawa me lahrata ek hanth se doosre hanth me pahne kade ko pakadkar upar ki taraf karta ghumata huwa waha se chala gaya. uske jane ke baad Bachha singh khushi khushi apne man me sochne laga.


Bachha Singh- Bahut fudak liya tumne Inspectorani. Tumko pyaar ki bhasha samajh me nahi aati na ab dekhna mera bhaai tumhari kya halat karta hai. ab jo bhi hoga uski jimmedar tum khud hogi. sirf tum jimmedar hogi.


Itna kahkar Bachha singh jor jor se hansne laga aur wo bhi waha se uthkar chala gaya.


*******

Idhar Savi sab ko jaldi jaldi market chalne ke liye taiyar hone ke liye bol rahi thi. Manisha ne pahle hi Sarita ko phone karke bata diya tha ki use kitne baje mall pahuchna hai. Kuchh hi der me sab taiyar hokar mall jane ke liye nikal gaye.
 
Mahi Maurya's SIGNATURE
OP
Mahi Maurya
Member

0

0%

Status

Offline

Posts

68

Likes

11

Rep

0

Bits

0

2

Years of Service

LEVEL 1
100 XP
UPDATE- 38


Idhar Savi sab ko jaldi jaldi market chalne ke liye taiyar hone ke liye bol rahi thi. Manisha ne pahle hi Sarita ko phone karke bata diya tha ki use kitne baje mall pahuchna hai. Kuchh hi der me sab taiyar hokar mall jane ke liye nikal gaye. Jab sab log waha pahuche to Sarita waha pahle se hi maujood thi. Unhe dekhte hi Sarita ne kaha.


Sarita- Badi jaldi aa gaye aap log. main yaha aadhe ghante se khadi hui hoon. lekin aap log abhi aa rahe hain. aapko pata hai ki main kitna important kaam chhodkar aayi hoon.

Raani ji- Haan pata hai. jab dekho tab kaam kaam aur bas kaam. noukari milne ke baad to hamari koi fikar hi nahi rah gayi hai tumhe. bas kaam ki hi fikar hai tumhe.

Sarita- Ara maa aisi baat nahi hai. main to bas ye kah rahi thi ki yaha pahuchne ke baad agar mujhe phone karti tab bhi main aa jati. mujhe itni jaldi bulaya isliye main ye bol rahi hoon.

Savi- Achha. ab to aa gaye hain na. chaliye jaldi jaldi shoping kar lijiye. jyada samay nahi lagana hai na.


Savi ki baat sunkar sabhi shoping karne ke liye mall ke andar chale gaye. Manisha aur Savi ne poore mall me ghoom ghoom kar kapde, cosmatics ke saman aur ladies section me jakar kapde khareedne lagi.


Sarita ne sabke liye kuchh na kuchh khareeda. Rani ji aur Aanand ji bas unke sath ghoom rahe the. unhone apne liye kuchh nahi khareeda tha. Poori shoping khatam hone ke baad jab bill dene ki bari aayi tho savi bill ka payment karne lagi to Sarita ne kaha.


Sarita- Di aap rahne dijiye. main payment karti hoon.

Savi- Are nahi tum rahne do. main karti hoon. shoping par to main tum logo ko lekar aayi hoon na.

Manisha- Are didi. bhale hi shoping par aap lekar aayi hain. lekin kal didiya ka janamdin tha aur mere yahan janamdin ka gift jiska janamdin rahta hai wo khareed kar sabko deta hai isliye ye sari shopping didiya ki taraf se hai.

Savi- Ye to bahut ajeeb hai. matlab jiska janamdin hai uski poori khushi tohfa kharidne me hi khatam ho jayegi.


Savi ki baat sunkar sabhi hansne lage. Sarita ne payment kiya aur sabhi mall se bahar aa gaye. sham ho chuki thi, isliye sabhi shidha ghar aa gaye. ghar pahuch kar Manisha ne turant apne kapde nikal kar check karne lagi aur sabko uske bare me batane lagi. baki sabhi hall me baithkar baatcheet karne lage.


subah Manisha, Ranii ji aur Aanand ji ko ghar nikalna tha isliye wo log jaldi se khana khakar sone ke liye chale gaye. Sarita Savita ke sath baith kar baat karne lagi, lekin usne ek baat note ki ki Savita Uski baato ka thik se jawab nahi de rahi thi.


na hi us-se kuchh pooch rahi thi. jab sarita usase kuchh kahti ho haan huun kahkar tarka deti thi. thodi der baad SAvi bhi apne kamre me chali gayi. wo apna bister thik kar rahi thi tabhi Sarita bhi Savi ke kamre me aa gayi. Sarita ne Savi se kaha.


Sarita- Kya huwa hai aapko di.

Savi- Kuchh to nahi. mujhe kya hoga.

Sarita- Nahi di kuchh to baat hai. tabhi aap mujhse aise baat kar rahi hain. mujhse koi galati ho gayi hai kya.

Savi- Nahi Sarita bas aaj kuchh thik nahi lag raha hai. baki aur koi baat nahi hai.


ye sunkar Sarita ne Savi ko pakadkar bed par baithaya aur uske pairo ke paas jameen par baith gayi. usne Savi ka hanth apne hanth me le liya aur use sahlate huwe SAvi ki aankho me dekhte huwe poocha.


Sarita- Dekhiye di. main janti hoon ki koi bahut badi baat hai jiske karan aap mujhse is tarah se baat kar rahi hain. aapko pata hai ki main aapse kitna pyaar karti hoon. yaha par ek aap hi hain jise main apna kah sakti hoon.

Savi- yahi to dikkat hai Sarita. ki tum mujhe apna samajhti hi kaha ho. kahne ko to tum bol rahi ho ki main tumhari apni hoon, lekin kya sach me aisa hai.

Sarita- Aakhir baat kya hai di. aap aisi baat kyon kar rahi hain. jab tak aap mujhe bataengi nahi ki baat kya hai tab tak mujhe pata kaise chalega ki aap kis baat ko lekar aisa bartav kar rahi hain mere seth.

Savi- Tum mujhe koi baat batati ho jo main tumhe bataun. maine tumhe kitni baar kaha hai ki koi bhi baat ho kaisi bhi baat ho mujhse chhipane ki jaroorat nahi hai tumko. main tumhari har baat par tumhare sath khadi rahungi, lekin tum batati hi nahi ho ki kya ho gaya hai kya nahi .

Sarita- Oohhhh Achhaa diii. aap abhi takk birthday wali baat ko lekar mujhse naraj hain Sorryy di. wo to bas mere dhyan se utar gaya tha.

Savi- Tumhare birthday wali baat par mujhe itna gussa nahi aaya tha, lekin jab tumhari jindagi……….. Kya tum mujhe is kabil bhi nahi samajhti ki mujhse ye baat share kar sako. agar tumhe kuchh ho jata ho.


Itna kahte kahte Savi ki aankhe chhalak aayi. dono me pata nahi kaise ye pyaar tha. koi rishta na hota huwe bhi ek aisi anjani dor ne Savita ko Sarita se bandh rakha tha ki Savita ke liye Sarita apni ho gayi thi. Savita ki aankho me aanshu dekh SArita ne uske aanshu pochhte huwe kaha.


Sarita- Bas main isiliye aapko nahi batana chahti thi. aap bahut jaldi pareshan ho jati ho. ab aap chup ho jaiye. mujhe kuchh nahi huwa. main bilkul thik hoon. Sir ne sahi samay par aakar mujhe bacha liya. ab main bilkul satark rahungi.

Savi- Ab tum waha par nahi rahogi.

Sarita- (chaukte huwe) WAha par nahi rahungi matlab. fir main kaha jaungi rahne ke liye.

Savi- Ab se tum mere sath rahogi isi ghar me.

Sarita- Are diii. uski koii jaroorat nahi hai. aap kyon pareshan ho rahi hain itna. maine 2 sipahi tainat karwa liye hain apne room ke bahar. ab darne ki koi jaroorat nahi hai.

Savi- Mujhe ab iske bare me koi baat nahi karni. main eek baar kah diya to kah diya. agar tumne meri baat nahi mani to aaj ke baad na hi tum mujhe di kahkar bulaogi aur na hi kabhi mujhse milne ki koshish karogi.

Sarita- (aankhe badi karke) Kya. ab ye kaisi jid hai aapki di.

Savi- Ye koi zid nahi hai Sarita. ye mera pyaar hai. Agar tumhe ise jid samajhna ho to samajhti raho. jab tum pyaar se nahi manogi to mujhe zid to karni padegi na. Ab is bare me koi baat nahi hogi. kal tum apna boriya bister bandhkar yaha par aa rahi ho ye final ho gaya. ab tum so jao. kal subah uncle Aunty aur Manisha ko Allahabad ke liye bhi nikalna hai.

Sarita Thik hai di. Jo aap chahengi wahi hoga.


Sarita ki baat sunkar Savita muskurane lagi. fir kuchh der Savita se baat karne ke baad Sarita apni maa ke paas sone ke liye chali gayi. Sarita ko aaj bhi bahut chain ki neend aayi.


Agle din subah Sarita ki family ko wapas lautna tha to wo sab subah jaldi jaldi taiyaari karke nashta wagairah karke Saman lekar Satation ke liye chale gaye. Sabhi ke chehre latke huwe the. Manisha bahut jyada udas thi. use dekhkar Savi ne kaha.


Savi- Manisha tum to ruk jao kuchh din.

Manisha- Rukne ke liye to main bhi soch rahi thi didi. Magar yahan par koi aisa hai jise meri Khushi bardast nahi hoti. Isliye main nahi ruk sakti.

Sarita- (gusse se) Bilkul bhi jaroorat nahi hai yahan rukne ki. Pahle padhai par dhyan lagao uske baad hi kuchh sochna.

Manisha- Dekha didi. Maine pahle hi kaha tha ki koi ek hai jise meri Khushi bardast hi nahi hoti. Meri khushiyo ke bich ka sabse bada roda yahi hai. Meri didiya.

Savi- Waise Sarita ne kuchh galat bhi nahi kaha. Padhai sabse jyada jaroori hai. ( Rani ji se Mukhatib hokar) Aunty ji aap logo se milkar bahut achha laga. Pata hi nahi chala ki do din kaise nikal gaye. Fir kabhi samay milega to jaroor aaiyega.


Ye sunkar Raani ji ne uske Sir par pyaar se hanth pherte huwe kaha.


Rani ji- Jab Sarita beti ghar se chali thi is Naukri ke liye to mujhe bas ek hi dar khaye ja raha tha ki yaha par ye kaise rahegi. Mujhe dar lagta tha. Meri beti pahli baar Allahabad Shahar se bahar Akeli hai, lekin jab usne phone par tumhare bare me bataya tha to main nishchint ho gayi thi aur tabhi se tumse milna chahti thi.

Tumse milne ke baad mujhe pata chala ki tumhare bare me Sarita ne hame jitna bataya hai, tum usase lakh guna Achhi ho. tumne meri beti ka itna achhe se dhyan rakha. Uske liye main tumhari bahut Ehsan mand hoon bitiya. Ham logo ko bhi tumse milkar bahut achha laga.

Savi- Are Aunty ji Ye aap kaisi baate kar rahi hain. Jaise Wo Manisha ki bahan hai waise wo meri bhi bahan hai. Aap Uski bilkul bhi chinta mat kijiye Aunty ji. Main uska bahut achhe se dhyan rakhungi.

Aanand ji- Wo bilkul sahi bol rahi hain bitiya. Tum wakai me bahut achhi ho. bhagwan tumhare jaisi beti har maa baap ko de. Achha bitiya. Ab ham chalte hain train bhi aa gayi hai.


Train bhi Platform par aa kar lag chuki thi aur chalne ke liye taiyar thi. Sarita ne apne maa-baap ke pair chukar aashirvad liya. Usne Manisha ko gale laga liya to Manisha Subukane lagi. Sarita ne use chup karaya.


Savi ne Bhi Raani ji aur Aanand ji ke pair chukar unhe pranam kiya aur Manisha ko gale lagakar fir se aane ke liye kaha. Uske baad Sabhi train me baith gaye. Kuchh hi der me train plateform chhodne lagi. Manisha train ke darwaze ke paas aakar khadi ho gayi aur Sarita aur Savi ko bye bolne lagi.


Un dono ko bye bolkar jaise hi wo mudi. Uski najar door khade huwe Raghav par padi. Wo bye ke ishare me hanth hilate huwe hanf raha tha. Aisa lagta tha ki jaise wo daudkar aaya ho. Manisha ke chehre par Raghav ko dekhkar ek muskan aa gayi aur usne bhi hanth ke ishare se Raghav ko bye kaha.


Fir Manisha ne apne dono hanth se apne kan pakadkar maafi ka ishara kiya. Jise dekhkar Raghav ke chehre par muskan aa gayi aur usne Use uski mafi kabool karne ka ishara kar diya. Dhire Dhire Train platform chhod chuki thi. Sabhi Allahabad ke liye rawana ho gaye the.


Raghav, Sarita aur Savi ke chehre par mayushi saaf dekhi ja sakti thi. Sarita Wahi se Direct PS ke liye nikal gayi. Raghav Aur Savii ghar ke liye nikal gaye.
*******

Ek Sunsan jagah par baithkar Raghu apne Vishwashpatra aadmiyo ke sath Sarita ko Raste se hatane ke liye vichar vimarsh kar raha tha. Raghu ne apne aadmiyo se kaha.


Raghu- Maine jaisa tum logo ko bataya hai thik waisa hi hona chahiye.

Aadmi- Jii bhaai aap fikar mat kijiye sab kuchh plaan ke mutabik hoga.

Raghu- Pata to hai na ki kya karna hai.

Aadmi- Haan bhai pata hai ki hame kya karna hai. Aap bilkul bhi fikar mat kariye.

Raghu- Agar koi bhi galti ki tum sab ne to tum log samajh sakte ho ki main tum logo ka kya haal karunga.

Aadmi- Koi galti nahi hogi bhaai.

Raghu- Thik hai fir niklo yaha se aur apne plaan ko anjam do.

Aadmi- Thik hai bhaai.


Itna kahkar wo Aadmi apne gantavya ki taraf chala gaya aur Raghu apne do tin aadmiyo ke sath nikal gaya.
******

Sarita PS me baithkar apna kaam kar rahi thi ki tabhi Janhavi Uske kabin me aati hai aur bolti hai



Janhavi- Madam, Abhi Ek phone aaya tha. Kisi ladki ki aawaz thi. wo kafi ghabraai hui lag rahi thi. Use hamari madad ki jaroorat hai.

Sarita-(chaunkate huwe) Kya. Mujhe turant uska Address do aur mohit, Amit aur Kaushal ko jaldi bhejo mere paas. Hame abhi nikalna hai usko bachane ke liye.

Jahhavi- Ji madam, Abhi bhejti hoon.

Kuchh hi der me Amit aur Mohit Sarita ke samne khade the. Sarita dono ko Sath lekar Ladki dwara diye huwe pate par jane ke liye nikalne ko hoti hai to Mohit ne Sarita se kaha.


Mohit- Madam . Ham waha par nahin Jayenge.

Sarita- Kyon Nahin jayenge wahan Par.

Mohit- Kyonki DSP sir ne aapko kahin bahar jane ke liye mana kiya hai.

Sarita - (thoda Gusse mein) Wahan par ek ladki ki jaan khatre mein padi hai aur Aapko DSP sir ke order ki padi hui hai. Aap Apni naukri karte hain ya unki Chamchagiri.

Mohit- Aapko Jo samajhna ho Samajh lijiye, lekin DSP sir ka yahi Order hai aur waise bhi jis jagah ka pata bataya hai us ladki ne wo jagah thik nahi hai. Ye kisi ka trap bhi to ho sakta jai Madam.

Sarita - (gusse me) Aap kitne bujdil hai Mohit ji. Apna farz nibhane se katra rahe hain aap. agar ye sach mein trap n hokar Hakikat hua to. Nahi main ye roka nahi ke sakti. Hame is ladki ko bachana hai. Ye mera PS hai aur mujhe kya karna hai ye achhi tarah se pata hai. Ab apni bakwas band karo aur chalo mere sath.


Zariye ki dant sunkar Mohit kuchh kah na saka aur sarita ke sath PS se bahar nikal gaya. Jo pata ladki ne Janhavi ko diya tha wo Shahar se thoda hatkar tha aur lagbhag sunsan tha. Wahan Gadiyon ki Aawajahi na ke barabar thi aur Road ke dono taraf badi badi jheel jhankhad the.


Sarita jab waha par pahuchi to waha door door tak koi nahi dikh raha tha. Mohit ne MSG dwara PS se aate samay hi Nishchal ko sab kuchh bata diya tha.


Nishchal ne MSG par hi Sarita ko Waha na jane ke liye mana karne ke liye Mohit ko bol diya tha. Nishchal ko shayad kuchh shak sa hone laga tha. Waha pahuchne ke baad Sarita se Mohit ne kaha.


Mohit- Madam, Mujhe to lagta hai ki shayad hamare sath kisi na majak kiya tha. Yaha door door tak koi najar nahi aa raha hai. Chaliye Wapas chalte hain yaha se.

Sarita- (gusse se) Mohit ji. Ye kaisi baate kar rahe hain aap. Kisi ladki ki jaan par ban aayi hai aur aap ko ye Mazak lag raha hai. Chalo thoda aage chalkar dekhte hain.

Mohit- Madam, Ladki ko phone kiye 30 minute ho chuke hain agar uske sath koi anhoni honi hoti wo wo ho chuki hogi. Waise bhi yaha par koi dikh to nahi raha hai.

Sarita- Sut-up Mohit ji. Apni bakwas band kariye aap aur duty par dhyan lagaiye apna.


Itna kahkar Sarita ne kuchh aage jakar charo or dekhne lagi. Sarita ka phone lagatar baj raha tha lekin Sarita ne us par koi dhyan nahi diya. Udhar Raghu Jhadiyo ke pichhe apne do sathiyo ke sath chhupa huwa tha. Usne apne sathiyo se kaha.


Raghu- dhyan rakhna tum dono. Nishana chukna nahi chahiye kisi ka nahi to bahut bura hall karunga main tum dono ka.

Dono- Ji bhaai.


Sarita Idhar Udhar ghoom rahi thi. tabhi Use 4-5 Log dikhayi diye jo shayad juwa khel rahe the. Sarita ne Mohit ko waha ja kar Unhe pakadne ka ishara kiya to mohit ne kaha.


Mohit- Madam, Aap yaha se chaliye. DSP Sir ne Turant yaha se nikalne ke liye order diya hai aur wo kab se aapko phone kar rahe hain. Aap phone to utha lijiye unka.


Sarita Mohit dwara Nischal ka jikar karne par chidh gayi. usne Mohit se gusse me kaha.


Sarita- Mohit ji. Ye mat bhuliye ki aapki boss abhi main hoon. To aapko is samay meri baat man-ni hogi na ki kisi aur ki. Agar aap un logo ke paas jane me dar rahe hain to aap wapas PS ja sakte hain. Mujhe meri team me darpok log nahi chahiye. Aap PS jaiye main aur Amit yaha par sab sambhal lenge.


Itna kahkar Sarita Amit ke sath un Juwariyo ke paas pahuch gayi aur Dono ne Apni gun nikal kar un par taan di. Mohit bhi ab majboor ho gaya. Wo aise Sarita ko chhodkar ja nahi Sakta tha. Isliye majbooran Use Sarita ke paas jana pada.


Mohit ne bhi apni gun nikali aur Us Juwariyo ke upar taan di. Wo Sare Aadmi Raghu ke Aadmi the jise Raghu ne Samjha kar bheja tha aur bas Juwa khelne ka natak karna tha Unhe tab tak koi Action nahi lena tha jab tak Raghu ki taraf se tin goli na chal jaye.


Sarita ko dekhkar wo Sabhi bhagne ka natak karne lage to Sarita ne ek ke pairo ke paas goli maar di to Sabhi apni jagah par ruk gaye. Sarita ne Amit se kaha.


Sarita- Bharo sabko gadiyo me. Aisa case lagaungi ki aaj ke baad ye yahan aana chhod denge.


Itna kahkar Sarita ne Ek kaskar Mukka Ek Aadmi ke pet me maar diya. Wo aadmi dard se bilbilane laga. Amit aur Mohit ghasit kar Un logo ko gypsy me bharne lage.
 
Mahi Maurya's SIGNATURE
OP
Mahi Maurya
Member

0

0%

Status

Offline

Posts

68

Likes

11

Rep

0

Bits

0

2

Years of Service

LEVEL 1
100 XP
UPDATE- 39


Udhar Jab Sarita ne goli chalayi to Raghu aur Uske aadmi Satark ho gaye. Usne Apne dono pantaron ko ishara kiya ready rahne ke liye. Amit aur Mohit ne Sabhi Aadmiyo ko gadi me baithaya. Gadi me baithne me un logo ne koi jaddo jahad nahi ki aur aaram se baith gaye.


Mohit ne Driving Sheet sambhali aur Amit un logo ke sath pichhe baith gaya. Sarita ne Unhe baithane ke baad idhar udhar dekhne ke baad jaise hi gadi me baithne ke liye jane lagi. Usi samay Raghu ne goli chala di. Jaise hi Raghu ne goli chalayi. Waise hi Sarita ka pair ek patthar se takaraya. Jiski wajah se Sarita ladkhada gayi aur niche ki taraf jhuk gayi.


Goli chalne ki ghanta aur Sarita ka pair pathhar se takrane ki ghanta dono ek sath hui. Sarita ke ladkhadane aur niche jhuk jane ke karan Goli Sarita ke kandhe ko halka sa chukar nikal gayi.


Goli lagne ke karan Sarita ke munh se ek ghiri hui cheekh nikal gayi. Uski cap uchhal kar jameen me gir padi, uske hanth se gun chhitak gayi. Uski Aankho par laga Stylise googals jameen par gir gaya aur uske baal poore khulkar uske kandhe aur chehre par bikhar gaye.


Sarita ne pahli baar jidhar radhu khada tha udhar dekha. Sarita ka uski Taraf dekhna tha ki Raghu Apni jagah par jam sa gaya.


Raghu Sarita ki sundarta me kho gaya. Sarita ke lahrate huwe geshuwon me Raghu ka Dil ulajh kar rah gaya. Wo pahli najar me hi Sarita ko apna dil de baitha tha. Usne turant Apne pantaro se kaha.


Raghu- Koi bhi goli nahi chalayega.

Panter- Lekin kya huwa bhaai. Bahut badhiya mauka hai. Aaj hi maar girate hain ise.

Raghu- Maine kaha na ki is par koi goli nahi chalayega. Apni gun niche karo tum dono. Aur jhadiyo me chip jao.


Raghu ki baat mankar uske dono pantaro ne apni gun niche kar li aur jhadiyo me chip gaye. Raghu Jhadiyon ki ont se Sarita ki sundarta niharne laga aur apna hanth apne sine par rakh liya.


Goli chalne ki aawaz se Amit aur Mohit satark ho gaye, lekin jab dono ka dhyan Sarita ki taraf gaya to Sarita Jameen par baithi hui apne hanth se apne kandhe ko pakade huwe thi. Jisme se khoon nikal raha tha. Mohit daudkar Sarita ke paas aaya aur bola.


Mohit- Madam Aap thik to hain na. aapko to goli lagi hai.

Sarita- Main thik hoon. Goli us taraf se chali hai. aap dono jakar udhar dekho.

Mohit- Bilkul nahi madam. Abhi hamko yaha se nikalna hoga. Aap ko maine pahle bhi chalne ke liye kaha tha, lekin aap ne mana kar diya.

Sarita- Main tumhari Senior hoon. Maine kaha na ki aap dono udhar jakar dekhe.

Mohit- Abhi main aapki koi baat nahi man-ne wala. Aap iske liye mujhe chahe jo saza de dijiyega, lekin abhi aapko hospital chalna hoga. Ham yaha surakshit nahi hain madam.

Sarita- Mohit ji……….

Mohit- (baat bich me katkar) Maine apko kah diya na ki main aapki koi bhi baat ab nahi man-ne wala matlab nahi man-ne wala. abhi hame yaha se nikalna hoga.


Itna kahkar Mohit ne Sarita ko pakadkar Use Age ki sheet par baithaya aur khud driving sheet par baithkar gypsy aage badha di. Aage kuchh door jane par jaise hi breaker par jypsy dhimi hui. Sabhi Aadmiyon se Gypsy se niche chhalang laga di.


Mohit ne bhi ek baar kuchh Action lene ki socha, lekin Sarita ka khayal aate hi usne apna irada badal liya. Sarita ko lekar Mohit paas ke hi ek hospital me le gaya. Jab Nurse Sarita ki Malham patti karne lagi to Mohit ne Nishchal ko phone kiya.


Nischal- Haan mohit bolo. Sab thik hai. Waha se nikale ya nahi.

Mohit- Sir. Kuchh bhi thik nahi hai. Madam ko goli lagi hai.

Nishchal- Kya. Kya kaha tumne. Maine tumse kaha tha na ki Sarita ko lekar waha se turant niklo, wo jagah thik nahi hai.

Mohit- Main kya karta Sir. Maine kitni baar madam ko kaha, lekin Madam meri baat sun-ne ke liye taiyar hi nahi thi. Mujeh hi bol diya ki main bujdil hoon. Main PS wapas chala jaun.

Nishchal- Ye ladki bhi na. na khud chain se rahti hai aur na hi doosro ko chain se rahne deti hai. Abhi kaha par ho tum. Sarita kaha hai.

Mohit- Sir. Main Abhi madam ko …………….. Hospital lekar aaya hoon. Nurse Madam ki marham patti kkar rahi han. To maine aapko phone kar liya.

Nishchal- Main Abhi pahuch raha hoon waha par.

Mohit- Nahi Sir, Madam itni serious bhi nahi hain Goli bas unke kandhe ko halka sa chukar nikali hai. Malham patti hone ke baad main madam ko PS lekar aa raha hoon. Aap wahi aa jaiye.

Nishchal- Thik hai main pahuch raha hoon PS.


Mohit ne iske baad phone rakh diya. Malham patti ho jane ke baad Mohit, Sarita aur Amit PS aa gaye.
******

Udhar Raghu apne pantaro ke sath Wapas apne Adde par chala gaya. Waha pahunchte hi Uske ek pantar ne usase kaha.


Pantar 1- Kyua huwa bhaai. Aapne mujhe goli chalane se mana kyon kiya. Ham tino ke goli chalane ke baad hi to apne bande action me aate.

Raghu- Are dekhaa nahi tumne wo kitni bahadur thi. Apne 2 sathiyo ke sath aayi thi aur bina dare hi usne un sabhi ko apni gadi me dal liya tha. kitni nidar thi wo.

Pantar 2- Kyaa baat karte hain aap bhaai. Ye apne liye koi naya thode hi hai. Isase bhi bahadur bahadur police walo ko ham logo ne maza chakhaya hai. Aur aap to akele aise 10 -12 police walo par bhari padte hain to wo laundiya kya cheez thi.

Raghu- Pata nahi be. Use dekhte hi mujhe kya ho gaya tha. Doosri goli chalane ke liye hanth hi kaam nahi kiye hamara. Andar se kuchh ajeeb sa lag raha tha.


Raghu ne ye baat bahut hi bujhe man se kahi. Ye sunkar uske panter ghabra gaye. Unme se ek pantar ne Raghu se kaha.

Pantar 1- Kyaa huwa bhaai. Aapki tabiyat to thik hai na. aapko itna pasina kyon aa raha hai.

Raghu- Nahi to kuchh nahi huwa mujhe. Aaj garmi bahut hai isliye mujhe pasina aa raha hai. Waise Bhaiya ekdam sahi kah rahe the. Bahut bahadur ladki hai. Dekha nahi bina kisi dar ke unhe pakadne ke liye unke paas chali gayi.

Uski jagah koi aur ladki hoti to unke paas jane se pahle 10 baar sochti. Pahali baat to us jagah aane ki himmat hi nahi karti, lekin dekho, isko jhoothi khabar hi diye the aur ye us ladki ko bachane ke liye us jagah pahuch gayi.


Ye baat kahkar Raghu ne apne pantaro ki taraf dekha to uska ek pantar bahut gaur se Raghu ki taraf dekh raha tha. ye dekhkar Raghu ne kaha.


Raghu- Abe kya hai tum hamko aise mat dekho. Ham koi laundiya nahi hain be. Aur hamari tabiyat bhi bilkul thik hai.

Pantar 2- Mujhe to aisa nahi lagta bhaai ki aapki tabiyat thik hai. Aaj itna Achha mauka tha. door door tak koi nahi tha. waise bhi waha koi aata jata nahi tha. tino ko wahi maar dete to agle din tak kisi ko pata nahi chalta, lekin pata nahi aapko kya ho gaya tha jo aapne goli chalane se mana kar diya.

Raghu- Abe tum apna pravachan band karo pahle. Pata nahi kaise kya bole ja rahe ho. Chalo jao abhi yaha se kal kuchh sochte hain iske bare mein.


Iske baad Raghu aur uske panter waha se chale gaye.
*****


Udhar Sarita Ki Malham patti ho jane ke baad Sarita na Mohit ko ghar chalne ke liye kaha. Mohit ne Nishchal ko phone karke is baare me baat ki to Nishchal ne Mohit se Sarita ko apne ghar chhodne ke liye kaha. Mohit Sarita ko lekar Nishchal ke ghar chala gaya. Jab Savi ne Sarita ki halat dekhi to wo pareshan ho gayi aur boli.


Savi- Kya huwa tumhe Sarita. Tumhare hath me ye patti kyon bandhi hui hai.

Sarita- Kuchh nahi di- Bas thodi si chot lag gayi hai.

Savi- Tum Sach bol rahi ho na. Jyada jor se to nahi lagi chot tumko.

Mohit- Didi. Madam jhooth bol rahi hain. Madam ke kandho ko goli chhu kar nikal gayi hai. Jiske karan jhakam ho gaya to doctor ne Malham patti ki hui hai.

Savi- Kya. Ye kya kah rahe ho tum. Jab ye sab huwa to tum kya kar rahe the. Tumhe Sarita ka dhyan rakhna chahiye tha na.

Mohit- Main kya karta di. Maine ne Madam ko waha se wapas PS aane ke liye kitni baar kaha. Lekin madam man-ne ko taiyaar hi nahi thi.

Savi- Ye kya hai Sarita. Tum itni laparwah kaise ho sakti ho. Agar tumhe kuchh ho jata to.


Savi ki aankho me aanshu aa gaye ye sunkar ki Sarita ko goli lagi hai. Sarita ne kaha.


Sarita- Ye kya di. Aap kyon ro rahi hain. Mujhe kuchh nahi huwa hai. Main bilkul thik hoon.

Savi- Chalo tum ab aaram karo. Apne kamre ki chhbi do mujhe.

Sarita- Kyan di. Uski kya jaroorat hai.

Savi- kal jo maine kaha tha wo bhool gayi kya. Ab chupchap chabi do mujhe.

Sarita- Mera Hand bag to PS me hi rah gaya hai. Mera Office phone aur chabi to usi mein hai.

Savi- Mohit. Tum aisa karo. PS jakar Sarita ka hand bag le lo aur usme se Iske kamre ki chabi nikal kar Iska poora saman Mere yaha par sift karwa do.

Mohit- Thik hai didi. Ab main chalta hoon.


Itna kahkar Mohit chala gaya. Usne Sarita ko apne bagal wala karma, jo khali tha aur subah hi usko Sarita ke liye saf karwaya tha use rahne ke liye de diya. Sarita ko kamre me baithakar Savi ne use pani pine ke liye diya. Sarita ne Savi se poocha.


Sarita- Di. Raghav ji Dikhayi nahi de rahe hain. Kahan hain wo.

Savi- Wo subah hi kisi jaroori kaam se bahar chala gaya hai. Bol raha tha ki kaam jaldi khatam karke aa jayega. Ab tum jyada baat mat karo aur aaram karo. Main niche jar ahi hoon. Kisi cheez ki jaroorat ho to mujhe aawaz de dena.


Itna kahkar Savi niche chali gayi. Udhar jab Mohit PS pahucha to Nishchal Sarita ke cabin me hi baitha huwa tha. Mohit ne Nishchal ko poori kahani batayi to Nishchal aur jyada gussa ho gaya, lekin wo Apna gussa Mohit ke upar jahir nahi hone dena chahta tha. Mohit ne Nishchal se Savita ne Jo kam diya tha uska jikar kiya to Nishchal ne kaha.


Nishchal- Haan. Tum aisa karo ki do-tin hawaldar ko apne sath le jao aur ek tempo hire kar lena. Uska saman jyada nahi hoga. Ek tempo me aaram se aa jayega. Meri gadi ki chabi lo aur jaldi se ye kaam nipta kar aao. Tab tak main yahi baitha hoon.


Nishchal ki baat sunkar Mohit ne Chabi li aur do hawaldaro ko apne sath lekar Sarita ke quarter par chala gaya. Raste me usne ek tampo hire kar li. Lagbhag 1 Hours me Sarita ka Saman Nishchal ke yaha sift karwane ke baad Mohit wapas PS aaya aur Nishchal se mila.


Mohit- Sir. Madam ka saman aapke yaha sift karwa diya hai.

Nischal- Very good Mohit.

Mohit- Sir aur koi kaam mere liye.

Nishchal- Abhi to nahi, lekin taiyar hamesha rahna. Kabhi bhi tumhara bulava aa sakta hai meri taraf se.

Mohit- Yes Sir. Jai Hind.

Nishchal- Jai Hind Mohit.


Us Raat Kaam ke chaakkar me Nishchal apne ghar nahi gaya. Agle din bhi din bhar wo kaam karta raha. Agle din Sarita PS nahi gayi. Poore PS me ye baat pata chal gayi thi ki Sarita ko Goli lagi hai. Sabhi ne Sarita ko phone karke uska hall chal liya.


Mohit kisi kaam se bahar gaya huwa tha. to Nishchal ne Jawed ko bolkar Sarita ko doctor ke paas ghav ki saaf safaai aur uski marham patti ke liye le jane ke liye kaha. Aaj ka poora din aise hi bit gaya.


Raat ko khana pina khane ke baad Savi ne Sarita ke sath kuchh der baat ki fir apne kamre me sone ke liye chali gayi. Sarita ko neend nahi aa rahi thi to usne apni kitabe nikal li aur padhne baith gayi. Uske hatho ka dard kal ki apeksha kam ho gaya tha.


Sarita padhai me leen thi ki tabhi use bahar kuchh khat-pat ki aawaz sunai padi. Sarita ne Use najarandaz kiya. Kuchh der baad fir se use Khat-pat ki aawaz sunai padi to wo apne kamre se bahar aayi to usne dekha ki Nishchal Apne kamre ki taraf ja raha hai.


Nishchal kabhi kabhi ghar bahut deri se aata tha apne kaam ki wajah se. wo aaj bhi ghar deri se aaya tha. Savi ne apne mulajim ko bol rakha tha ki Raat me jab Nishchal gar aaye to uska khana garam karke uske kamre me pahucha diya kare.


Sarita ne Jab dekha ki wo khat-pat ki aawaz Nishchal ke ghar aane par hui hai to wo nishchint ho gayi aur wapas apne kamre me chali gayi. Us samay raat ke 12 baj rahe the. Wo apne bed par baith kar jaise hi apni kitab uthayi. Use kisi ke kadmo ki aahat apne kamre ke darwaze ke paas sunai padi, Usne man ji man socha.


Sarita- Itni raat me ye kaun ho sakta hai . kahi hitlar to nahi hai, lekin wo to abhi mere samne apne kamre me gaya hai. Kahi koi chor wagairah to nahi. Lekin CO ke ghar me chori karne ki himmat kaun kar sakta hai. Dekhti hoon kaun hai.


Itna sochkar Sarita na apni gun nikal li, tabhi darwaze par dastak hui. Sarita ne poochha.


Sarita- kaun hai bahar.

Nishchal- Main hoon Nishchal

Sarita- Kya kaam hai jo itni raat ko pareshan kar rahe ho. Jo bhi ho subah baat karna mujhe neend aa rahi hai.

Nishchal- Darwaza khole. Kuchh important baat karni hain tumse.

Sarita- Maine kaha na jo bhi baat karni hai subah karna.

Nishchal- (gusse me) Maine kaha na mujhe abhi baat karni hai.

Sarita- Thik hai fir. Main darwaza nahi kholne wali. Khade rahiye pahredar banker darwaze par. Ab ye darwaza to kal subah hi khulega.

Nishchal- Miss Joshi. Main aakhiri baar bol raha hoon ki darwaza khol do nahi to main darwaza tod doonga.

Sarita- Tod dijiye. Aapka hi nuksan hoga. Mujhe kya.

Nishchal- Darwaza khol do. Nahi to main di ko utha doonga. Fir tum unse hi sawal jawab karna.

Sarita- Ye galat kar rahe hain aap Sir. Ham dono ke baato ke bich aap di ko kyon late hain. Ye aap bilkul bhi achha nahi kar rahe hain.

Nishchal- Is samay mujhe achha aur kharab ka pravachan mat do. Main yaha tumhara bhashan sun-ne ke liye nahi khada hoon. Darwaza kholo nahi to main di ko uthane jar aha hoon.


Itna kahkar Nishchal ne kuchh pal pratiksha ki. Lekin jab darwaza nahi khula to wo waha se jane laga. Sarita ne jab Nishchal ke kadmo ki aahat jate huwe suni Tabhi Sarita ne darwaza khol diya.


Jaise hi Sarita ne darwaza khola. Nishchal furti se Sarita ke kamre me ghus gaya aur andar se darwaza band kar liya. Ye dekhkar Sarita ek pal ke liye to dar gayi, lekin fir samanya hokar tez aawaz me boli.


Sarita- Ye kya badtamizi hai. Itni raat ko mere kamre me jabran kyo aaye hain. Dekhiye mere paas gun hai. Agar aapne kuchh ulta siddha soha bhi to main aapko goli mar doongi.

Nishchal- Badi aayi goli maar dungi kahne wali. Agar Yahi bahaduri tum kal dikhati to goli tumhe nahi un gundo ko lagi hoti. (fir Sakht aawaz me) Phone kaha hain tumhara. Jab tumhe kisi ka phone receive hi nahi karna to is dibbe ko rakhti hi kyon ho. Kaha hai tumhara phone. Main ise aaj todkar hi dam lunga.

Sarita- Ye kaisi baate kar rahe hain aap mujhse. Aapki bhasha sahi nahi hai

Nischal- Waisi hi bate kar raha hoon. Jaisi baate tumhe samajh me aati hain. Tumhe isi tarah ki bhasha samajh me aati hai na.

Sarita- Aap bahut galat kar rahe hain Sir. Kahi aur ka gussa aap mujhpar nikal rahe hain.


Mohit ne jab se bataya tha ki Sarita ko goli lagi hai tab se wo bahut pareshan tha aur Sarita par gussa bhi bahut aa raha tha. lekin Sarita ki Is baat ne aag me ghee ka kaam kiya. Nishchal ka gussa satwe aasman par pahuch gaya. Nishchal ne aage badhkar Sarita ki banh kaskar pakadte huwe kaha.


Nishchal- main kahi aur ka gussa tumpar nahi nikal raha hoon. ye Jahan ka gussa hai wahi par nikal raha hoon. maine jab tumko mana kiya tha ki us jagah se PS wapas chali jao. To tum kyon ruki thi waha par. Ek baar me koi baat tumhare bheje me ghusti nahi hai kya. Ya tumne meri koi baat na man-ne ki kasam vasam kha rakhi hai.

Sarita- (dard se kasmasati huwi) Aisa kuchh nahi hai Sir. Main apni duty kar rahi thi.

Nishchal- Achha Duty kar rahi thi. To duty ka ek usool bhi hai ki apne seniors ki baat kati nahi jati. Abhi kuchh hi din pahle tumhari jaan bachi hai. Uske baad maine tumhe kitna samjhaya ki in sab se door raho. Lekin fir bhi tumhe akal nahi aayi.

Tum janti bhi ho us jagah ke bare me kuchh ki wo jagah kitni khatarnak hai. Pahle bhi waha par department ke do-tin honhar policewalo ki berahami se hatya ho chuki hai. Meri baat kyon nahi sunti ho tum.


Nishchal ne Baat ki shuruaat to dhime shuru ki thi lekin aakhiri line bolte huwe nishchal ka gussa aur badh gaya aur usne Sarita ki banh par apni pakad aur jyada mazboot kar li. Jisase Sarita ko aur jyada dard hone laga aur wo chhutne ke liye chhatpatane lagi.


Usne dhakka dekar Nishchal ki giraft se apne aap ko chhudaya aur usase door jakar khadi ho gayi. Nischal ne Sarita se kaha.


Nishchal- Ab se dhyan rakhna Kuchh bhi karne se pahle uske baare me poori inquiry karna. Jis jagah tumko jana hai us jagah ke bare me pata lagana fir waha jana. Agar tumse itna bhi na ho paya kare to mujhko phone kar lena main tumhe bata diya karunga. Agar itna bhi na kar pao to apni team ke kisi mail officer ko waha bhej diya karo. Agar itna bhi na ho paye tumse to chupchap apne cabin me baith jana. Aaya kuchh samajh me yan ahi.


Nishchal ki baat sunkar use bahut dukh huwa aur sath me Nishchal dwara bedardi se band pakadne par use bahut dard ho raha tha. uski aankho me aanshu aa gaye the. Itni Sakhti se to kabhi uske papa bhi uske sath pesh nahi aaye the. Jitni sakhti se Aaj Nishchal uske sath pesh aaya tha.


Use lag raha tha ki Hitlar ne uske upar bewajah hi gussa kiya. Sarita ki aankho se aanshu nikal kar uske galo se hote huwe niche jameen par girne lage. Uske aanshu dekhkar Nischal ko bhi ab ehsash ho gaya tha ki usne Sarita ke sath Kuchh jyada hi sakhti kar di. Isliye wo Sarita se Sorry bolkar Uske kamre se bahar nikal gaya..
 
Mahi Maurya's SIGNATURE
OP
Mahi Maurya
Member

0

0%

Status

Offline

Posts

68

Likes

11

Rep

0

Bits

0

2

Years of Service

LEVEL 1
100 XP
UPDATE 40


Sarita ka kamre se nikalkar Wo apne room me chala gaya. Jaha par uska khana rakha rakha Thanda ho gaya tha. Uska mood kharab ho chuka tha to usne khane ke bare me socha hi nahi.


Nishchal apne bister par late gaya aur abhi jo kuchh bhi huwa uske bare me sochne laga. Mulajim se use pata chala tha ki Sarita ko Savi ne bhi khoob dant pilayi thi. Nishchal apne man me sochne laga.


Nishchal- Shiit yaar. Maine kuchh jyada hi bol diya use. Aaj se pahle uski aankho me maine is tarah aanshu nahi dekhe the. Sari galti meri hi hai. Mujhe usase is tarah se baat karni hi nahi chahiye thi. Lekin main karu to kya karu. Bahut jiddi hai ye. Meri sunti hi nahi hai. Agar mera kahna ek baar me hi maan jati to mujhe itna kahna hi nahi padta.

Pata nahi mujhe kya ho gaya hai. Baat jab Sarita ke upar khatre ki aati hai to pata nahi kyon mera dil dahal jata hai. Mujhe pata nahi kya ho jata hai ki main apne aapko rok hi nahi pata hoon. Bhagwan na kare agar use kuchh ho gaya to main kya karunga. Nahi nahi.

Main use kuchh bhi nahhi hone doonga. Chahe uske liye mujhe kuchh bhi kyon na karna pade. Lekin meri to baat hi nahi sunti wo. Lekin di ka naam sunte hi wo sari baat man-ne lagti hai. Haan ye sahi rahega. Main use di ka dar dikhakar apni baat manwa sakta hoon. Mujhe yahi karna padega.


Yahi sab sochte sochte Nishchal so jata hai. Subah Jab Sarita sokar uth-ti hai aur niche aati hai wo Guard use ek buckey lakar deta hai. Sarita ne usase poochaa.


Sarita- Ye kisne diya chacha.

guard- Pata nahi bitiya. Koi ladka aaya tha aur aapko dene ke liye bol gaya tha.


Sarita ne bukey lekar hall me aa gayi aur use dekhne lagi. Upar ki taraf ek chhota sa card laga huwa tha jisme likha tha. Ek bahadur aur Janbaj Police Officer ko is nachhez ki or se tuchchh si Bhent. Aapka Sabse bada Fan aur Shubhchintak.


Ye padhkar Sarita soch me pad gayi ki ye aakhir hai kaun. Sarita guldasta apne kamre me lekar chali gayi aur fresh hokar Chaai nashta kiya. Aaj Usko pahle se kafi aaram tha to wo PS ke liye nikal gayi. Sarita PS to pahuch gayi lekin wo mana rahi thi ki Uska Samna Nishchal se na ho. Tabhi Uske Cabin ke bahar Janhavi ki aawaz aayi.


Janhavi- May I Come in Madam,

Sarita- Are Janhavi. Tum. Maine kitni baar kaha hai ki poochne ki jaroorat nahi hai. Bina puche bhi andar aa sakti ho tum.

Janhavi- Aage se Dhyan rakhungi madam. Ye aapke liye Bukey hai madam.

Sarita- (hairani se) Kya. Kisne bheja hai.

Janhavi- Maloom nahi madam, Isme Bhejne wale ka naam nahi likha hai Madam. PS ke bahar hi koi Subah hi rakhkar chala gaya tha. Iske upar aapka naam likha hai to main aapko dene ke liye aa gayi.


Sarita ne wo phulo ka guldasta le liya. Janhavi cabin se bahar chali gayi to Sarita ne usme laga card kholkar dekha to Usme likha tha. Ek bahadur aur Janbaj Police Officer ko is nachhez ki or se tuchchh si Bhent. Aapka Sabse bada Fan aur Shubhchintak.


Thik aisa hi guldasta subah use ghar par bhi diya gaya tha. Ab Sarita ye sochne par vivash ho gayi ki aakhir use ye guldasta bhej kaun raha hai. Sarita sochne lagi ki Ho sakta hai ye guldasta hitlar ne bheja ho. ho sakta hai wo kal ke wakye ke liye sharminda ho,


lekin isme na koi sorry likha hai aur na hi uska naam. Upar se isme meri tariff likhi hai aur wo mera fan aur shubhchintak bata raha hai apne aapko to ye hitlar to nahi ho sakta. Agar hitlar nahi hai to fir kaun ho sakta hai.


Dimag ke ghode daudane ke baad bhi sarita ko samajh nahi aa raha tha ki aakhir ye guldasta kisne bheja. Jab use kuchh samajh nahi aaya to usne guldaste ko side me rakha aur apna kam karne lagi. Thodi der kaam karne ke baad Sarita ne Javed ko bulaya.


Jawed- Ji madam. Aapne bulaya.

Sarita- Javed ji. Maine aapko jo kaam diya tha bachhiyo ke maan baap se milane ke liye. Wo kaha tak pahucha.

Jawed- Madam. Ek bachhi ko to dadi le gayi baki bachi bachhiyo ke mummy papa ne mujhse sampark kiya tha to maine sab ko kal aane ke liye bol diya hai.

Sarita- Chalo ye achha huwa. Kam se kam sabhi apne ghar surakshit to ja rahi hain

Jawed- Madam ye to sab aapki mehnat ka nateeza hai. Aap itni shiddat se lagi hui thi to sabko surakshit rahna hi tha.

Sarita- Main un aadmiyo ke khilaf itni kadi report taiyaar karungi ki sab kam se kam 2-3 sal jail ke andar sadenge. Jab unke pariwar wale tadpenge to unhe pata chalega ki dard kya hota hai.

Jawed- Sahi kaha madam. Kisi ko bhi chhodna nahi hai.

Sarita- Main soch rahi thi ki kal sab bachhe ja rahe hain to main NGO hi chali jaun. Kal ke baad shayad hi un bachhiyo se kabhi mil paun main.

Jawed- Jaisa aapko thik lage madam. Koi aur kaam madam.

Sarita- Nahi jawed ji. Aap ja sakte hain.


Jawed Sarita ke cabin se chala gaya. Sarita ne sham tak PS me kaam kiya. Sham ko PS se nikalne ke baad wo dukan par rukkar sabhi bachhiyo ke liye kuchh gift aur chocolate li aur NGO Chali gayi.


SAbhi Bachhiya Sarita ko dekhkar bahut khush huwi Khaskar Akku. Wo to Sarita ka pichha hi nahi chhod rahi thi. Kuchh der NGO me rahne ke baad Sarita Sabhi bachho ko bye bolkar ghar ke liye nikal gayi.
*****

Udhar Bachha Singh Khushi wali khabar sun-ne ka intezar kar raha tha. Aaj tisra din tha aur sham ho gayi thi lekin abhi tak koi Khushi ki khabar nahi aayi thi.


pareshan hokar Bachha singh ne Raghu ko phone kiya. Us samay Raghu apne Panter heera ke sath baitha huwa gappe lada raha. Tabhi uska phone bajne laga. Raghu ne apne panter ko chup rahne ka bolkar Phone utha liya.


Raghu- Pranam Bhaiya.

Bachha Singh- Khush raho chhote. Chhote tum to kahe the ki do-teen din ke andar koi Khushi ki khabar sun-ne ko milegi, lekin aaj teesra din hai aur abhi tak koi Khushi ki khabar nahi sunai tune.

Raghu- Bhaiyaa. Wo Inspector mili hi nahi abhi tak.

Bachha Singh- Mili nahi matlab.

Raghu- Matlab ye bhaiya ki mere hatthe abhi tak nahi chadhi hai wo. Abhi uski Security bahut tite hai. Koi achha mauka dekhkar uska kaam tamaam kar doonga bhaiya. Aap fikar mat kariye.

Bachha Singh- Iska ye matlab huwa ki hamko aur intezar karna padega abhi.

Raghu- Haan bhaiya. Thoda to intezar karna hi padega na.

Bachha Singh- Jo bhi karna hai Jaldi kar chhote. Dhandhe ka bahut nuksan ho raha hai.

Raghu- Bas bhaiya kuchh din aur. Fir hamare rashte ka kanta hamesha hamesha ke liye saaf. Thik hai bhaiya ab ham phone rakhte hain. Heera ke sath ran-niti bana rahe hain usko sabak sikhane ka. Baad me baat karte hain.

Bachha Singh- Thik hai Chhote apna khayal rakhna.

Raghu- Ji bhaiya.


Itna kahkar Raghu ne phone Rakh diya aur ek gahri sans li. Raghu ke bagal me baitha huwa Heera use hairani se dekh raha tha. Raghu ke phone rakhne ke baad Heera ne kaha.

Heera- Aapne Bade bhaiya se jhooth kyon bola bhaai ki wo mili hi nahi. Us din to itna achha mauka chhodkar chale aaye the aap.

Raghu- Tu nahi Samjhega Be. Aur iske baare me ab mujhse kuchh mat poochna. Ab main ja raha hoon. Tum bhi jao apne ghar.


Itna kahkar Raghu uthkar waha se chala jata hai. Heera bhi uske pichhe pichhe bahar aa jata hai.
*****


Udhar Sarita NGO mein Bachhiyo se milkar Ghar aa gayi. aur kamre me jakar apne kapde badale aur Lone me aakar baith gayi. Waha par baithkar wo hare bhare pedo ko niharne lagi aur Usme kho gayi. Uska Dhyan tab Tuta Jab Savi ne use Aawaz di.


Savi- Sarita.

Savita- (hadbadakar) Hhaann….. Kyaa….. Kuchh kaha di aapne.

Savi- Are main ye bol rahi thi ki kiske khayalo me khoi hui ho jo mere aane aur mere bolne ke baad bhi tum apne khayalo se bahar nahi nikali.

Sarita- Kuchh nahi di. bas aise hi.

Savi- Kya huwa Sarita. Koi baat pareshan kar rahi hai kya tumhe.

Sarita- Nahi di. aisi koi baat nahi hai.

Savi- To fir tum yahan par akele kyon baithi hui ho aur itni udas kyon ho.

Sarita- Aise hi di. Kuchh Achha nahi lag raha hai. Aaj NGO Gai thi Un bachhiyo se milne. Kal wo sab apne apne pariwaron ke sath ghar chali jayengi. Pata nahi fir kab milna hoga. Bas yahi soch rahi thi.

Savi- Ye to bahut Khushi ki baat hai ki sabhi bachhiya bahut dino baad apne Parivar ke sath hongi. Jo pata nahi kitne din apne mata pita se door rahi.

Sarita- Haan di. Aapki baat sahi hai. Lekin in kuchh dino me unse bahut lagav sa ho gaya hai. Jab maine unhe bataya ki kal wo sab apne ghar chali jayengi to sab mere gale se lipat gayi. Unhe bhi mere sath lagav ho gaya hai. Lekin sab bahut khush thi apne Parivar ke sath jane ka sunkar.

Unke chehre ki Khushi bata rahi thi ki Sab kitni betab hain apne pariwar se milne ke liye. Khaaskar wo Akku. Wo to mujhe bhi apne sath chalne ke liye bol rahi thi. Mujhe samajh me nahi aata ki duniya me itna bure aur kamine log kyon hain. Jo chhote chhote bachho ko unke Parivar se alag kar dete hain.

Yahan to main thi. aur maine koshishh karke inhe bacha liya. Lekin har jagah to main nahi hoon na. Abhi kitni bachhiya kai jagah nark se bhi jyada badtar zindagi jine ke liye majboor hongi na di.

Savi- Pyar se sir sahlakar) Are Tum to bahut bahadur ho. tum itne se hi himmat haar gayi. abhi to tumhe in jaisi na jane kitni ladkiyo ko bachana hai. Hausla rakho.

Sarita- Himmat nahi hari hoon di. par mujhe khud par gussa aata hai ki main bachha singh jaise aadmiyo ka abhi tak kuchh nahi kar paayi. Sath me Sir ke upar bhi gussa aata hai ki wo mujhe har kaam karne se rokte hain. Itni khojbin karne ke baad bhi main uska pata nahi laga paayi abhi tak. Pata nahi kis bil me chhupkar baitha hai.

Savi- (Pyaar se) Sarita Ye duniya aisi hi hai aur aise hi chalti hai. Yaha agar Achhe log hain to bure log bhi hain, Agar Gam hai to Khushi bhi hai. Buraai hai to Achhai bhi hai. Isi achhai ko banaye rakhne aur Bachha singh jaise logo ka khatma karne ke liye hi bhagwan tum jaise kuchh imandar aur nek logo ko dharti par bhejta hai.

Bas tum Imandari se Apna kam karo, baki Jaha tak Nishu ki baat hai to Maine usase kaha hai ki wo tumhe har musibat se bacha kar rakhe. Isliye wo tumhe rokta rahta hai.

Sarita- Lekin aapne Sir se aisa kyon kaha.

Savi- Kyonki main apni pyaari bahan ko kisi khatre me nahi dekh sakti. kuchh nahi to kam se kam itna to kar hi sakti hoon.

Sarita- (muskura kar) Thik hai di.

Savi- Achha ab apna mood thik karo. Dekho Manisha ne tumhare birthday ki sari photo bheji hai. Chalo dekhte hain biathkar.


Tabhi Savi ko Rasoiya kisi kaam se bula leta hai to Savi Sarita ko mobile dekar kitchen me jane lagti hai aur Sarita se kahti hai.


Savi- Tum tab tak photo dekho, main aati hoon kitchen se.


Ye kahkar Savita kitchen me chali gayi. Sarita Savita ke mobile se photo dekhne lagi. Photo dekhte huwe kabhi uske chehre par muskan aa jati thi to kabhi hansi nikal jati thi to kabhi chehre par udasi chha jati thi. wo har photo ko bade dhyan se dekh rahi thi. photo dekhte dekhte Birthday ki sari photo khatam ho jati hai. Aur Savi ki photo shuru ho jati hain


Raghav Nishchal aur Savita ke NGO ke sahyogiyo ke sath. Sarita photo slide karti ja rahi thi aur dekhti ja rahi thi. Sarita ne do photo slide karke aage chali gayi. tabhi use kuchh dhyan aata hai to wo do photo slide karke pichhe aathi hai aur wo photo dyan se dekhne lagti hai.


Sarita Jis photo ko dekh rahi thi. usme Savita Ek aadmi ke sath thi aur Us aadmi ke sath bahut close selfi thi Savita ki. Us Aadmi ko dekh Sarita ne apne man me sochha.


Sarita- Ye aadmi to kuchh jana pahchana sa lag raha hai. Pata nahi kaha dekha tha. Kaha dekha tha kuchh yaad kyon nahi aa raha hai. Abhi kuchh din pahle hi dekha tha. Kahan dekha tha kahan dekha tha. Haan yaad aaya.

Ye to wahi aadmi hai. Jisase us din main mili thi. jab chhupkar main dadi se milne gayi thi aur wapsi me meri ghadi gir gayi thi to isi aadmi ne mujhe meri ghadi wapas la kar di thi, lekin di Is aadmi ke sath kya kar rahi hain. Kahi aisa to nahi hai ki ye wahi aadmi ho jisase us din didi chhup chhup kar baat kar rahi thi. (ye wakya UPDATE No. 24 par hai)


Sarita apni hi soch me doobi hui thi ki kitchen ka kaam khatam kar ke Savita waha aa jati hai. Sarita ko itni gahri soch me dooba dekhkar wo uske kandhe ko hilatii hui kahti hai.


Savi- Are kya huwa madam. Sapne me hi kisi gunde mawali ko pakadne to nahi chali gayi tum.

Sarita- Kuchh nahhi… diiiii… wooo aapse ek baat poochni thiii di. agar aap bura na mane to main puchh sakti hoon.

Savi- Ye kya hai Sarita. Tumhe koi baat puchhne ke liye izazat ki jaroorat nahi hai. Tumm kuchh bhi puchh sakti ho.


Ye Sunkar Sarita ne Mobile Savita ke samne kar diya. Savita ke samne wahi photo thi. jise abhi Sarita dekh rahi thi. photo dikhate huwe Sarita na Savita se kaha.


Sarita- Ye Aadmi kaun hai. Iski photo aapke sath kaise. Kyaa aap ise janti hain.


Ye sunkar Savi ke chehre hi hansi gayab ho gayi aur uske chehre ke bhav badal gaye. Uska chehra aisa ho gaya jaise kisi ne uski chori pakad li ho. Savita ne turant Sarita ke hantho se mobile cheen liya. Sarita ne kaha.


Sarita- Kya huwa di. Maine kuchh galat pooch liya kyaa.

Savi- (hadbadate huwe) Wo.. Nahiiii.. too… wo main . tum ise kaise janti ho Sarita.

Sarita- Wo us din main Raat me raste se ja rahi thi….

Iske baad Sarita ne Us din ki sari kahani Savita ko bata diya. jise sunkar Savita ko kuchh tasalli hui. Poori kahani batane ke baad Sarita ne Savita se phir se poocha.


Sarita- Ab aap bataiye di. Aaap kaise janti hain inhe aur us din aap inse chhupkar kyon mil rahi thi.

Savi- Bahut lambi kahani hai Sarita.

Sarita- Kahani chahe jitni lambi ho, mujhe sun-na hai. Aap bataiye.

Savita- Thik hai main tumhe sab bataungi. Lekin agar chaay ki chuski lete huwe ye kahani shuru ki jaye to achha rahega.

Sarita- Thik hai di. Chaliye fir.


Uske baad Sarita aur Savita dono ghar ke andar aa gaye.
 
Mahi Maurya's SIGNATURE
OP
Mahi Maurya
Member

0

0%

Status

Offline

Posts

68

Likes

11

Rep

0

Bits

0

2

Years of Service

LEVEL 1
100 XP
UPDATE- 41


Uske baad Sarita aur Savita dono andar aayi aur chaay ka cup lekar balcony me chali gayi. waha par lagi hui kursi par dono baith gayi. Chaay ki chuski lete huwe Sarita ne poochaa.


Sarita- To di. Ab aap apni lambi wali kahani shuru kariyye.

Savi- Matlab tum bina sune nahi manogi.

Sarita- Sawal hi paida nahi hota di.
(Yaha se kahani tab tak Savi ki jubani chalegi jab tak Photo wale ladke ke bare me Savi Sarita ko bata nahi deti, lekin bich bich mein Sarita aur Savita ka conversation hota rahega. Isliye is UPDATE ko dhyan se padhiyega aur confuse mat hoiyega.)



Savi- (Muskurakar) Thik hai to suno. Mere sath jo khade huwe hain photo mein. Unka Naam Anant hai, Ab chahe use mera boyfriend kah lo. Mera dost kah lo, mera pyaar kah lo ya meri zindagi kah lo. Wo mujhe Lucknow mein mila tha. Jab main NGO ke kaam ke silsile me Luchnow gayi thi.

Sarita- (Bich me kat-te huwe) Jab wo aapke liye itne mayne rakhte hain to fir aap unse chhup chhup kar kyon milti hain.

Savi- (hanskar) Itni Utawali mat bano Sarita. Pahle meri poori baat sun lo tumhe sare sawalo ka jawab mil jayega. To main kah rahi thi ki main inse Lucknow me mili thi. Jab main NGO ke kaam ke chalte waha gayi thi. Ye kareeb 5 Saal pahle ki baat hai.

NGO ke lagbhag 1 KM door hi Inki Pharmacy ki dukan thi. Ab ise sanyog kaho ya bhagwan ki marji ki mujhe rahne ke liye NGO ki taraf se jo flate mila tha wo inki pharmacy ke thik samne tha. To aksar Ye mujhe aate jate dekha karte the.

Pahle to maine is par jyada dhyan nahi diya kyonki Mard Jati hoti hi aisi hai. Ladkiyo ko dekhna to inki fitrat hi hoti hai. Lekin jab ye lagatar mere sath hone laga. Mere matlab hai ki ye mujhe lagataar dekhne lage to ek din mujhe gussa aa gaya aur maine jakar inhe khari khoti suna di.


Ye bechare meri ek hi dant se bhigi billi ban gaye. Inke munh se ek bhi shabd nahi nikla. Maine lagbhag 5 Minute tak inki jam kar class li, lekin Kya majal inki jo mere samne inhone apni juban kholi ho.

Sarita- (bich me hi) Are waah didi. Matlab Pyaar hone se pahle hi aapne nakel dal li jija ji ke upar.

Savi- Kaun jija. Kiska jija.

Sarita- Anant jija. Mere jija. Samjhi aap.

Savi- Chup kar tu aur aage sun. meri us dant ke baad in par itna asar pada ki agar ye mujhe kahi raste me dekh lete the to ye apna rasta badal lete the. Inki halat dekhkar mujhe bhi laga ki shayad maine kuchh jyada hi dant diya tha inhe.

Aise hi lagbhag 10 din bit gaye. In 10 dino me Anant ka ravaiya waisa hi raha. Ek din mujhe NGO ki kuchh ladkiyon ne bataya ki Yaha ki jo main market hai. Jab wo kisi kaam ke liye wahan jati hai to manchale ladke unko chhedte hain aur fabtiya kaste hain.

Mujhe ye sunkar bahut gussa aaya to AGLE din main khud un ladkiyo ke sath waha par gayi. waha jane ke baad mujhe pata chala ki wo ladke na sirf ladkiyo ko fabtiya hi nahi kaste balki unka hanth bhi pakad lete hain aur gandi bate karte hain.

Us din mere sath bhi yahi huwa. Ek manchale ne aakar mera hanth pakad liya aur mujhse badtamizi karne laga. Maine use samjhaya.

Main- Ye kya badtamizi hai. Chhodo mera hanth. mahilaon ko chhedna Achhi bat nahi hai. Tumhe tumhare gharwalo ne sanskar nahi diye hain kya.

Ladka- Tumm to in sabhi ladkiyo se jyada haseen ho. tum jaisi katto ladki maine aaj tak nahi dekhi. Meri girlfrnd ban ja. Bahut maze karaunga tujhe main.


Uski baat sunkar mujhe bahut jyada gussa aa gaya aur maine apna hanth jhatak kar uske dono galo par jordar thappad laga diye. Uske dono galo par mere hanth chap gaye. Waha par bahut public jama ho gayi.

Thappad khakar wo ladka baukhla gaya aur mujhe kheechkar apni car me baithane laga. Jisme uske do sathi bhi uski madad karne lage. Waha par itni public jama thi, lekin kisi ne aage badhkar mujhe bachane ki koshish nahi ki. Main chhekh rahi thi madad ke liye. Lekin koi bhi meri madad ke liye nahi aaya.

US din to meri izzat lut hi jati, lekin pata nahi kaha se Anant waha par hawa ke jhoke ki tarah aa gaye aur unhone mujhe us ladke se chhudaya aur us ladke ke bahut kutayi ki. Uske dono dosto ne bhi anant ko mara.

Tab tak public se 4-5 log aage aaye aur unhone anant ko un ladko se chhudaya. Wo tino ladke waha se bhag gaye. Mujhe bachane ke chakkar me Anant ko bhi bahut maar padi. Main unke paas gayi aur boli.

Main- Are Aapko to bahut chote aayi hain. Chaliye hospital chalte hain.

Anant- Nahi main thik hoon. Aap thik to hain na.

Main- Haan main thik hoon. Lekin aap thik nahi hai. Aap Chaliye mere sath hospital.

Anant mana karte rahe lekin main nahi mani aur Auto karke Anant ko baithakar main hospital chali gayi. Waha par unki ghavo ko saaf karke un par Malham lagakar kuchh dava di doctor ne aur aaram karne ke liye kaha.

Main Anant ko lekar Auto se Unki pharmacy tak aayi. Waha utarne ke baad main Auto wale ko kiraya diya. iske liye bhi wo mana karte rahe lekin main nahi mani. Fir maine Anant se kaha.

Main- Thank Yon Aapka. Agar aaj aap sahi samay par nahi aate to pata nahi kya ho jata.

Anant- Its Okk. Ye to mera farz tha. Aap ki jagah agar koi aur bhi ladki hoti tab bhi main yahi karta.

Main- Aap bahut achhe insan hai. Mujhe maaf kar dijiye. Maine us din aapko kuchh jyada hi suna diya tha. Jiska mujhe baad me pachhtava bhi huwa.

Anant- Koi baat nahi. Aapne kuchh galat nahi kiya tha us din. Waha par poori galti meri hi thi. Mujhe is tarah Aapko Nahi dekhna chahiye tha. Koi bhi ladki aisa hi react karti jaisa apne kiya hai. Isliye aap ko maafi mangne ki jaroorat nahi hai. Balki aap mujhe maaf kar dijiye. Pata nahi main aisi galti haise kar baitha.

Main- Koi baat nahi. Kabhi kabhi har insan se galti ho jati hai. Aap us baat ko bhul jaiye. Achha main chalti hoon ab.

Anant- Thik hai.

Main- Aur haan doctor ne jo dava di hai use time se kha lijiyega.

Itna bolkar main apne kamre me chali gayi. maine is ghatana ki jikar ghar par kisi se nahi kiya nahi to sab pareshan ho jate. Maine socha ki kuchh din baad yaha se chali hi jaungi. Isi tarah din gujarte rahe aur Anant ke sath mera milna julna bhi shuru ho gaya.

Jitna main usase milti. Usase baat karti. Utna hi uske bare me bahut sari achhi bate pata chali mujhe uski khoobi pata chali mujhe. Wo apne maa baap ka eklauta beta hai. Uski ek chhoti bahan bhi hai. Wo bahut suljha huwa insan hai.

Wo logo ki bahut izzat karta hai. Sabhi se prem se baat karta hai. Lekin kahte hain na ki aaj kal ke jamane me achhe insan ko koi chain se jeene nahi deta.

Khair dhire dhire ham dono ki mulakatein badhne lagi. Ham dono samay nikal kar ek doosre se milne lage. Ek din Anant ne mujhe park mein milne ke liye bulaya. Jab main park me pahunchi to wo pahle se hi waha par maujood the. Maine uske paas jakar baith gayi. Anant ne mujhse kaha.

Anant- Savi. Main tumse kuchh kahna chahta hoon, lekin samajh me nahi aa raha hai ki main tumhe kaise kahu wo baat.

Main- Ab tum mujhse kuchh kahne ke liye itna kab se sochne lage. Jo bhi kahna hai khulkar kaho.

Anant- main kah to doon, lekin pata nahi meri baat sunkar tum kaisa react karo.

Main- Aisi kya baat hai Anant. Jo tum itna hichkicha rahe ho. kaho tumhe jo bhi kahna hai.

Anant- Pahle tum wada karo ki tum meri poori baat sunogi. Aur agar tumhe meri baat pasand na aayi to tum mere sath apni dosti ka Rishta nahi todogi. Tum mujhse naraz nahi hogi.

Anant ki baat sunkar mujhe kuchh kuchh andaza ho gaya tha ki wo kya kahna chahta hai, fir bhi maine usase kaha.

Main- Thik hai. Main wada karti hoon. Ki tumhari ye baat kahne ke baad bhi hamara Rishta pahle jaisa hi rahega. Tum mere dost ho aur hamesha rahoge.

Anant- Savi. Mere papa sal bhar se mujhe shadi ke liye bol rahe hain. Kyonki meri maa ki halat to tum janti hi ho. shadi ke sambandh mein main jin ladkiyo se mila. Wo sab sundar thi. lekin mere dil me kabhi aisi feeling nahi aayi ki wo meri jivan sangini ban sakti hain. Isiliye maine abhi tak shadi nahi ki hai.

Lekin jab maine tumhe pahli baar dekha tha. Usi din se mere din se ye aawaz aati hai ki tum hi wo ladki ho jo meri Jeevan sangini ban sakti hai. Mujhe tumhari har baat pasand hai. Tumhara hansna, tumhara bolna, tumhara muskurana, aur tumhara marna.

Main apni baat jyada ghuma fira kar tumse nahi kahna chahta hoon Savi. Baat bas itni si hai ki mujhe tumse pahli najar me hi pyaar ho gaya hai aur main tumse shadi karna chahta hoon.

Main- Kyaa. Ye kya kah rahe ho tum.

Anant- Dekho Savi. Tum naraz mat hona. Mere dil me tumhare liye jo bhi feelings hain. Maine tumhe bata diya hai. Jaroori nahi hai ki tum bhi mere bare mein aisa hi socho. Agar tum mere proposal ko mana bhi kar deti ho tab bhi mujhe tanik bhi bura nahi lagega. Kyonki tumhari Khushi mere liye jyada mayne rakhti hai.

Main- Aisi baat nahi hai Anant. Tum bahut achhe ladke ho. wo bahut khushnaseeb ladki hogi. Jiske sath tumhari shadi hogi. Aisa nahi hai ki tum mujhe achhe nahi lagte, lekin main abhi shyor nahi hoon. Ki mere dil me tumhare liye jo feelings hain wo dosti hai ya pyaar. isliye Mujhe abhi thoda samay chahiye.

Anant- Koi baat nahi Savi. Maine tumse pahle hi kaha hai ki tummhari Khushi mere liye jyada mayne rakhti hai. Tum jitna chahe utna samay le sakti ho. tumhare haan aur naa ka intezar rahega mujhe. Chalo bahar kuchh khate pite hain.

Uske baad ham dono park se bahar aa gaye aur chaat ke thele ke paas chat khane chale gaye.

Sarita- Kya di. aap ko to turant jija ji ko haan bol dena chahiye tha. Aakhir jaisa aapne bataya hai us hisab se to jija ji bahut achhe insan hai. Aapko unhe aise tadpana nahi chahiye tha.

Savi- tum sahi kah rahi ho, lekin us samay mujhe kuchh samajh me nahi aa raha tha ki main haan karu ya na karu.

Sarita- Fir aage kya huwa. Jaldi batao.

Savi- Aage kuchh khas nahi huwa. Anant apne kam me busy ho gaye aur main apne kam me busy ho gayi. lekin ham dono samay nikal kar ek doosre se milte the, bate karte the aur ghoomte the. Us din ke baad Anant ne Us bare me dobara mujhse baat nahi ki aur na hi uske baat vyavhaar me hi koi kami aayi.

Kabhi kabhi main Anant ki baton par vichar karti to mujhe bhi lagne laga ki main bhi Anant ki taraf khichi ja rahi hoon. Isi tarah din gujarte rahe aur lagbhag 6 Mahine bit gaye. Ab mera NGO ka kaam poora ho gaya tha aur mujhe kabhi bhi Lucknow chhodkar wapas aana pad sakta tha.

Fir ek din maine Anant ko Park me milne ke liye bulaya. Ham dono usi park me mile aur usi jagah par chale gaye jaha us din Anant ne apne pyaar ka izhar aur Shadi ka prastav rakha tha. Hall chal janne ke baad maine Anant se kaha.

Main- Anant. Mera NGO ka kam ab poora ho gaya hai. Mujhe kabhi bhi yaha se jana pad sakta hai.

Anant- Tumhare sath samay itni jaldi gujar gaya pata hi nahi chala. Kuchh din aur ruk kar jati tum.

Main- Nahi Anant. Ab mera yaha ka kaam poora ho chuka hai to rukna muskil hai.

Anant- Thik hai Savi. Lekin jane ke baad apne is dost ko mat bhool jana.

Main- kaun dost. Kaise dost.

Anant- (chauk kar) Ye kya kah rahi ho Savi tum. Main apni aur tumhari dosti ki baat kar raha hoon.

Main- Lekin ab tum mere dost nahi ho. Aaj se apni dosti khatam Samjho.

Anant- Kyon. Kya ab main tumhari dosti ke kabil nahi raha kya.

Main- Haan. Ab tum dosti ke kabil nahi balki kisi aur ke kabil ho gaye ho.

Anant- Jo bhi kahna hai saf saf kaho Savi. Uun paheliyo mein baat mat karo mujhse.

Main- Are mere buddhu Anant. Ab tum mere dost nahi mera pyaar ho.
Anant- (Chauk kar) Kya kaha. Fir se kahna Savi.

Main- I Love You Anant. Main bhi tumse bahut pyaar karti hoon. Ye mujhe tab samajh me aaya jab tumse door jane ka khayal mere dil me aaya. Jab mujhe pata chala ki main kuchh din baad yaha se chali jaungi to mere man me bechaini hone lagi.

Mujhe har par tum aur tumhari baate yaad aane lagi. Sote jagte bas tum hi tum mere khayalo me ghumne lage ho. Mujhe bhi tumhare pyaar ka ehsah ho gaya hai. I love you Anant.

Anant- (Khushi se) I love you too Savi. Mujhe apne pyaar par poora bharosha tha ki tumhe bhi ek din mere pyaar ka ehsas hoga. Aaj main bahut khush hoon.

Main- Ek baat aur tumse kahna chahti hoon Anant, tum bura mat man-na meri baat ko.

Anant- Main tumhari kisi baat ka bura maan sakta hoon kya. Tumhe jo bhi kahna hai kah sakti ho.

Main- Main bhi tumse pyaar karti hoon aur tumse shadi karna chahti hoon, lekin agar mere ghar walon ne is rishte ke liye mana kar diya to ye shadi nahi hogi. Main apne gharwalo ke khilaf jakar tumse shadi nahi kar sakti Anant.

Anant- Tumne mere man ki baat chheen li Savi. Mujhe bhi dono parivaro ki marji se hi tumse shadi karni hai. Aisi shadi bhi koi shadi hai jisme hamare maa baap hi shamil na rahe.

Ye baat kahakr Anant ne mera man jeet liya. Us din hamne bahut sara vakt sath bitaya. Us din ke baad main aur Anant do din tak sath me ghume fire. Anant ne Mujhe apne Mummy papa aur chhoti bahan se bhi milwaya. Un logo ne bhi mujhe pasand kar liya.

Do din baad NGO ka kaam khatam ho gaya aur mujhe luchnow se wapas ana pada. Main bhi udas thi aur Anant bhi udas tha. Aakhir wo samay bhi aa gaya jab ham dono ek doosre se bichhad gaye. Main Lucknow se apne ghar aa gayi.

Ghar aane ke baad bhi ham dono phone par ek doosre se roz baat karte the. Dhire dhire samay apni gati se chalta raha aur ham dono ka pyaar parwan chadhta raha. Aise hi ek din ghar me mere rishte ki baat hone lagi.

Main mummy papa se Anant ke bare me baat karna chahti thi, lekin kar nahi pati thi. Ek din Mujhe Ladke wale dekhne aa gaye. Ladke wale ke aane ke baad ladki dikhane ki poori formilities khatm ho gayi.

Ladke walo ke chale jane ke baad main apne kamre me udas baithi hui thi ki tabhi Nishu mere kamre me aaya.
 
Mahi Maurya's SIGNATURE
OP
Mahi Maurya
Member

0

0%

Status

Offline

Posts

68

Likes

11

Rep

0

Bits

0

2

Years of Service

LEVEL 1
100 XP
UPDATE- 42


Mere kamre me aane ke baad Nishu ne mujhe udas dekhkar mujhse poocha.


Nishchal- Kya baat hai Di. aap Udas lag rahi hain.

Main- Nishu main mummy papa se bahut dino se kuchh kahna chahti thi lekin kah nahi pa rahi thi, lekin ab lagta hai ki mujhe mummy papa se baat karni hi padegi.

Nishchal- Batao na di. Kya baat karni hai Aapko mummy papa se.

Main- Dekh Nishu tu meri baat sunkar gussa na hona. Main ek ladke se pyaar karti hoon aur usase shadi karna chahti hoon. Mujhe mummy papa se yahi baat karni hai.

Nishchal- Kya baat kar rahi hain di. ab aap apni marji se shadi karengi.

Main- Nahi Nishu. Mujhe Mummy papa aur tumhari marji se shadi karni hai. Uska bhi yahi kahna hai ki apni shadi gharwalo ki marji se hogi.

Nischal- Agar aisa hai to main us ladke se pahle milonga aur usase baat karunga. Agar mujhe sab kuchh thik laga to main khud mummy papa ko manaunga is shadi ke liye di.

Main- Sach me Nishu. Tu khud mummy papa se baat karega.

Nishchal- Haan di. agar mujhe ladka pasand aa gaya to main aapki love Marriege ko Arrange marriage bana dunga di. aap bilkul tension mat lo. Meri di ki Khushi ke liye main kuchh bhi kar sakta hoon. Lekin ye tabhi hoga jab wo ladka mujhe thik lagega to. Aap unka Adress aur Photo mujhe de dijiye.


Nishu ki baat sunkar main nishchint ho gayi. maine Nishu ko Anant ka Pharmecy wala Address aur ek Photo de di. kyonki Itne din mein main Anant ke baare me itna to jaan hi gayi thi ki wo kaisa hai.

Isliye mujhe poora bharosha tha ki Nishu ko Anant jaroor pasand aayega, lekin kahte hain na ki jo kuchh soche agar wo mil jaye to fir kismat ka kya kam.

Sarita- Kyon di. Aap aisa kyon kah rahi hain.

Savi- main aisa isliye kah rahi hoon ki jab tum poori kahani sunogi tab tumhe khud samajh aa jayega.

Sarita- Thik hai di. aage kya huwa.

Savi- to suno Age. Kuchh din baad Nishu ghar aaya. Main Nishu se milne ke liye bahut utsuk thi. Jab Nishu akela huwa to maine Nishu se poochha.

Main- Tum mile Anant se. kaisa laga wo tumhe.

Nishchal- (gusse se) Ek number ka ghatiya insan hai wo.

Main- (Cheekh kar) Nishu. Juban sambhal kar baat karo. Tumhe koi Hak nahi hai ki tum Anant ke bare me aisi baat karo. Tum uske baare me aisa kaise bol sakte ho Nishu. Wo tumhari di ka pyaar hai.

Nishchal- Tumne galat aadmi se pyaar kiya hai di. wo aadmi bilkul bhi achha nahi hai. Wo gunda hai mawali hai, Sabse ladai Jhagda karta rahta hai.

Main- Nahi Nishu. Tumhe koi galatfahmi ho gayi hai. Kya tumhe lagta hai ki tumhari di kisi galat ladke ko chunegi apne liye.

Nishchal- Nahi di. Aap hamesha sahi chunav karti hain, lekin is baar aapka chunav galat hai. Usne aapke bholepan ka fayda uthaya hai aur apko apne jhoothe pyaar ke jaal me fansaya hoga. Main in gunde mawaliyo ko achhi tarah se janta hoon. Inka to yahi kaam hota hai bholi bhali ladkiyo ko apne jaal me fansane ka.

Main- Nishu Main Anant ke khilaf ek shabd bhi galat nahi sunungi. Main use itne din se janti hoon. Aur tumne kuchh hi der milkar uske charitra ka certificate de diya mujhe. Tu samajh kyon nahi raha hai mere bhai tujhe jaroor koi galat fahmi hui hai.

Nishchal- Mujhe koi galat fahmi nahi hui hai. Balki maine jo bhi apni aankho se dekha aur jo kuchh suna main aapko wahi bata raha hoon. Usase shadi hone ke baad apki zindagi bardab ho jayegi.

Wo ladka aapke layak nahi hai di. chaar paise kamakar aapko khila nahi sakta wo. Zindagi bhar sath kya nibhayega. Main aapki shadi kisi bhi kimat par us ladke se nahi hone doonga chahe jo ho jaye.

Main- Nahi Nishu. Tumhe galatfahmi hui hai. Wo achha khasa kamata hai. Uski khud ki pharmacy hai. Jo bahut achhi chalti hai. Wo swabhav se bhi bahut achha hai. Sabhi ka samman karta hai.

Nishchal- Wo kitna samman karta hai logo ka ye main dikhata hoon aapko.


Itna kahkar Nishu ne apna mobile nikala aur ek video chalakar mere samne rakh diya. Jisme ek aadmi ko Anant buri tarah maar raha tha. Ye dekhkar to main bhi pareshan ho gayi. Nishu ne aage kaha.


Nishchal- Dekh liya di. Ye jiske baare me aap mujhse ladai kar rahi ho wo kaisa samman karta hai logo ka. Main fir se aapko bata de raha hoon. Aap is ladke ko bhool jaiye. Mujhe ye Rishta bilkul bhi pasand nahi hai.


Itna kahkar Nishu waha se chala gaya. Mujhe kuchh samajh me nahi aa raha tha ki ab main kya karu. Itna to tay tha ki mummy papa bahut muskul se mante. Main to Nishu ke sahare hi mummy papa ko Anant se shadi ke liye manati,

lekin ab to Nishu ne khud bol diya tha ki wo kisi bhi kimat par meri shadi Anant se nahi hone dega to meri ummeed bhi lagbhag khatam ho gayi thi, lekin mujhe us video ki sachhai jan-ni thi. isliye maine Anant se baat karne ki sochi aur uska nambar mila diya.

Anant- Hey Savi.

Main- Hiii Anant. Kaise ho tum.

Anant- Main badhiya hoon. Tum kaisi ho.

Main- Main thik nahi hoon. Mujhe tumse kuchh poochna hai, tum kis aadmi ko berahami se maar rahe the kal.

Anant- Tumhe kaise pata iske baare me.

Main- Wo sab chhodo. main tumse jo pooch rahi hoon wo batao mujhe.

Anant- Tumhe to pata hai ki is area mein Meri Pharmecy Aas paas ki Pharmecy ke mukable Jyada chalti hai. Isliye Un logo ko jalan hai mujhse. Kal Bagal wale ne kisi baat par mere papa ke upar hanth chhod diya tha.

Ab tum hi batao main use kaise chhod deta. Jab mujhe pata chala iske baare me to maine use ghasit ghasit kar mara tha. Ab tum batao ki tumhe ye sab kaise pata chala.

Main- maine ham dono ke pyaar ke baare me apne chhote bhai Nishu ko bata diya aur tumse shadi karna chahti hoon Ye bhi bataya maine use to usne meri shadi tumse karwane ka wada kar tumse milne ke liye gaya tha.

Lekin jab wo tumse milne pahucha to tum us aadmi ko pit rahe the. Maine tumhari photo bhi use di thi. isliye wo tumhe turant pahchan gaya. Fir usne aas paas tumhare bare me puchha to sabhi ne tumhare bare me galat bataya use.

Usne bhi jo apni aankho se dekha aur jo agal bagal walon ne use bataya. Wahi wo sach mane huwe baitha hai. Ab wo bhadka huwa hai aur Tumhe gunda mawali bol raha hai. meri shadi tumse kisi kimat par nahi hone dega wo. Main kya karu mujhe kuchh samajh me nahi aa raha hai.

Anant- Ye to sach me bahut bura ho gaya. Lekin tum chinta mat karo main tumhare bhaai se baat karunga. Wo meri baat jaroor samjhga. Ab main phone rakhta hoon. Kuchh kaam hai urgent.

Anant ke phone rakhne ke baad main bhi apne kamre me chali gayi. do din aise hi bit gaye. Na Nishu ne mujhse baat ki aur na hi maine nishu se. tisre din mujhe uska mood kuchh thik laga to main usase baat karne ke liye uske kamre me gayi aur maine kaha.

Main- Nishu. Mujhe tumse baat karni hai.

Nishchal- Agar us Ladke ke baare me baat hai to mujhe koi baat nahi karni hai.

Main- Aisa mat bol bhaai. Us din tumne jo use ladte huwe dekha. Wo sahi hai maine usse bat ki to usne bataya ki us aadmi ne uske papa ke upar hanth chhod diya tha isliye Anant ne use mara tha.

Nishchal- Wahh kitna achha bahana banaya hai ladke ne. Wo aapko bevkoof bana raha hai di. agar aisa hota to Maine aas paas bhi uske baare me pooha tha. Kisi ne bhi uske baare me achha nahi kaha. Uske baare me kya kahogi aap.

Main- Aas pas ke log usase jalte hain. Isliye unhone Anant ke bare me galat kaha tumse. Mera bharosha kar Nishu. Anant bahut achha ladka hai main usase bahut pyaar karti hoon.

Nishchal- Aur main us ladke se jyada aapse pyaar karta hoon. Aap uske pyaar me andhi ho gayi hain di. lekin main nahi. Main jante bujhte apni di ki zindagi barbad nahi hone doonga. Main is shadi ke bilkul khilaf hoon. Haan agar aapko ham logo se jyada wo ladka pyara hai to aap ki jo marji ho wo karo.

Main- Aisa mat bol nishu. Tumhe bhi pata hai ki tumhari di tumhe kitna pyaar karti hai. Tumhare liye main Aise 100 Anant ko chhod doon, Agar wo galat hota to main tumhare ek baar hi kahne par use chhod deti. Magar wo galat nahi hai Nishu. Tu ek baar aur jakar usase mil aur use samajhne ki koshish kar. Teri sari galatfahmi door ho jayegi.

Nishchal- Nahi di. main ab main usase dobara nahi milna chahta. na hi mujhe uske bare me koi baat karni hai ab. ab agar maine aapko usase baat karte huwe dekha ya mujhe pata chala ki aap usase milne gayi hai to uske sath jo bhi bura hoga. uski jimmedar Aap khud houngi.

maine Nishu ko bahut samjhane ki koshish ki, lekin wo mere pyaar me andha hai. man-ne ke liye taiyar hi nahi hai. fir maine sab kuchh bhagwan ke bharose chhod diya. Is baat ko- 4-5 sal bith chuke hain aur ham aaj bhi Nishu ki najar bachakar milte-julte hain aur bate karte hain.

Main shadi ke liye bhi agar koi rishta aata hai to use manaa kar deti hoon. main janti hoon ki Anant galat nahi hai. wo kahte hain na ki first impression is last impression. Is hisab se to Nishu bhi apni jagah Sahi hai. aakhir wo mujhse itna pyaar karta hai. lekin kam se kam ek baar NIshu ko Anant se milna chahiye.

Maine to kai baar koshish ki, Anant ne ek-do baar Nishu se milne ki koshish ki, lekin har baar Nishu gussa ho jata hai. Is baat par Anant ne bhi jyada jor nahi diya. mujhe pata hai ki agar dobara NIshu Anant se milega to uski dharna jaroor badal jayegi Anant ko lekar.

present

Savita Ne apne aur Anant ke bare me sab kuchh bata kar bahut relax mahsoos kar rahi thi Apni kahani batakar Sarita ki taraf dekha to Sarita Utsukta se Uske bolne ki pratiksha kar rahi thhi. Savita ne Muskurate huwe kaha.

Savi- kahani khatam ho chuki hai.

Sarita- How Sad Di, lekin Sir Unse milna kyon nahi chahte hain.

Savi- Pata nahi. Us din to wo Anant se milne hi gaya tha, lekin meri aur Anant ki kismet kharab thi ki jab wo Anant ki Pharmecy par pahucha to usne waha Anant ko Kisi ko pit-te huwe dekh liya. Isi ko lekar uska man Anant se Ukhad gaya hai. Shayad isliye wo nahi ja raha hai Anant se milne.

Sarita- Ye to Achhi baaat nahi hai di. Aakhir kab tak aap dono aise chhup chhup kar milte rahenge.

Savi- Sach kahun to Mujhe bhi Pata nahi hai ki Ye kab tak chalega. Mujhe achha bhi nahi lagta aise chhup chuup kar milna. hamne sachha pyaar kiya hai. isliye abhi tak Ek doosre ki raah dekh rahe hain. Nishu ka gussa dekhkar main dar jati hoon.

Main nahi chahti ki mere wajah se Anant par koi musibat aaye. Mummy papa se bhi Kahne ka koi fayda nahi hai, Kyonki Nishu ye shadi hone hi nahi dega aur main Nishu ko naraz karke Ye shadi karna bhi nahi chahti. Dekhti hoon kab Nishu ko mujhpar taras aata hai aur wo Anant se milne ke liye taiyar hota hai.

Sarita- Isliye aap us din unse Aise chhup chhup kar mil rahi thi. Achha huwa ki Sir ne nahi dekha.

Savi- Haan Sahi kaha tumne. Wah Abhi 1 Mahine ke liye yaha par aaye huwe hain kisi kaam se. is bich hamari 4-5 baar mulakat hui hai, lekin dar ke saye mein ki kahi Nishu na dekh le, Kal wo wapas Lucknow ja rahe hain.

Sarita- Tab to aapko unse Milne jana chahiye.

Savi- Pata nahi. ja paungi ya nahi. Kal kaisi setuation rahti hai uspar depend karta hai.

Sarita- Agar aap kahiye di to main Sir se baat karun Is bare me.

Savi- Nahi Nahi Sarita. Aasi galti mat karna tum. Wo anant ke naam se bhi chidhta hai. Aur tumhari Waise bhi Nishu se banti nahi hai. Agar tumhare munh se Anant ke bare me sunega to mujhpar to gussa karega hi. tumhare upar bhi aur naraz ho jayega.

Sarita- Ye baat bhi Aapne sahi kahi di. Lekin Main sahi mauka dekhkar ek baar Sir se baat jaroor karungi. Waise Anant ji se main bhi mili thi use din. Sach me bahut ache insane lage mujhe . jaise aapne bataya bilkul waise. Mujhe unse milkar bahut achha laga tha us din.

Savi- Wo Hai hi aisa SArita. Jo bhi milta hai Use achha hi lagta hai, lekin Nishu Jab Usne milne gaya to shayad kismet ko hi ye manjoor nahi tha ki wo Nishu ko ache lage.

Khair chhodo. Anant ne mujhe bataya tha ki Use ek raat ek lady inspector mili thi. jisase wo prabhavit huwa tha, Lekin Mujhe bilkul bhi andaza nahi tha ki wo tum ho sakti ho, kyonki tum to us din mujhse milkar jaldi hi chali gayi thi.


Ye sunkar Sarita ne apne kan pakadkar mafi mangte huwe boli.


indian-6

Sarita- Sorry di. Us din maine aapse jhooth bola tha. uska karan maine aapko pahle hi bata diya hai.

Savi- Koi baat nahi Sarita. Main samajh sakti hoon. tumhe jo us samay sahi laga tumne wahi kiya.


Tabhi Rasoiya Balcony me aaya aur Savi se bola.


Rasoiya- Bitiya. khana ban gaya hai. Nishchal babu bhi aa gaye hain aur wo niche khane ki table par aap dono ka intezar kar rahe hain. aap log jaldi aa jaiye.


Ye kahkar rasoiya chala gaya. Nishchal ke aane ka sunkar SAvi ko bahut Aashcharya huwa. Nishu pahli baar itni jaldi ghar aaya tha wo bhi khane ke samay par. Savi ne kaha.


Savi- Hame baat karte karte kitni der ho gayi, lekin aaj Nishu Itni jaldi kisliye aa gaya. roj to mere sone chale jane ke baad hi aata tha.

Sarita- Chaliye di. niche chalte hain nahi to wo dandanate huwe yaha par aa jayenge.

Savi- (hanskar) Haan Sahi kah rahi ho tum.


Itna kahakar dono hansne lagi aur hanth munh hokar Niche dining table par aakar baith gayi. waha baithne ke baad Savita ne poocha.


Savi- Nishu. Aaj tum itni jaldi kaise aa gaye.

Nishchal - (apne man mein) Ab main aapko kya bataun di. kal maine lady don ko kuchh jyada hi dant diya tha. subah bhi uthkar main uska chehra nahi dekh paya tha ki ye abhi tak gussa hai ya nahi.

kal ki tarah roj roj iske room me to ja nahi sakta hoon. nahi to pata nahi kya kya soch le jayegi. isliye maine socha ki ghar jaldi chalu aur khana khane ke bahane hi uska hal chal pooch loon.


Nishchal ko kisi soch me dooba dekhkar Savi ne kaha.


Savi- Kya huwa Nishu. tu kya soch raha hai. maine poocha ki aaj tum itni jaldi kaise aa gaya ghar.

Nishchal- Wo di. aaj kuchh jyada kaam nahi tha to maine socha ki kyon na khana apni pyaari di ke sath hi khaun. isliye main jaldi ghar aa gaya.

Savi- (khus hokar) Achha. Agar tum aise roj roj ghar jaldi aao to ham sab sath milkar khana khaye. kitna achha lagega

Nishchal- Thik hai di. main poori koshish karunga.


fir sab khana khana nikal kar khane lage. khana khate huwe bich bich me Nishchal SArita ko dekh leta tha, lekin Sarita to khane me busy thi. SArita ya to khane ki plate ki taraf dekh rahi thi ya to SAvita ki taraf, Usne Nishchal ki taraf ek baar bhi nahi dekha, lekin Savi ne Nishchal ko dekh liya ki wo bar bar Sarita ki taraf dekh raha hai.
 
Mahi Maurya's SIGNATURE

54,736

Members

288,172

Threads

2,552,753

Posts
Newest Member
Back
Top